Uppgjör tekna og gjalda flutningsfyrirtækis og dreifiveitna
8 september 2022![Uppgjör tekna og gjalda flutningsfyrirtækis og dreifiveitna](/_next/image?url=https%3A%2F%2Fimages.prismic.io%2Fneasite%2F5fd21bc5-5fef-4095-ae88-240fa8013acc_raf-virki.jpg%3Fauto%3Dformat%2Ccompress&w=1536&q=75)
Orkustofnun hefur lokið uppgjöri tekjumarka vegna ársins 2021. Tekjumörk setja sérleyfisfyrirtækjum í flutningi og dreifingu raforku mörk varðandi leyfðar tekjur og útgjöld. Tekjumörk eru ekki sett á Íslandi fyrir hitaveitu eða aðra starfsemi sérleyfisfyrirtækja.
Eitt uppgjör var með ofteknar tekjur en það var flutningur almennra notenda hjá Landsneti sem voru ofteknar uppá 2% af útgjöldum.
Uppgjör Veitna ohf var í jafnvægi með hvorki ofteknar né vanteknar tekjur.
Önnur uppgjör voru með vanteknar tekjur með eftirfarandi hætti við árslok 2021.
- Tekjur vegna flutninga fyrir stórnotendur hjá Landsneti voru vanteknar og er uppsafnaður halli 441.120 þ.kr. eða -4,4% af útgjöldum
- Tekjur vegna dreifingar RARIK í þéttbýli voru vanteknar sem nemur 662.109 þ.kr. og er uppsafnaður halli -15% af útgjöldum. Ennfremur falla niður vanteknar tekjur að upphæð 238.029 þ.kr. sem voru umfram leyfð vikmörk
- Tekjur vegna dreifingar RARIK í dreifbýli voru vanteknar sem nemur 436.848 þ.kr. og er uppsafnaður halli -15% af útgjöldum. Ennfremur falla niður vanteknar tekjur að upphæð 722.767 þ.kr. sem voru umfram leyfð vikmörk
- Tekjur vegna dreifingar Orkubús Vestfjarða í þéttbýli voru vanteknar sem nemur 140.419 þ.kr. og er uppsafnaður halli -15% af útgjöldum. Ennfremur falla niður 352.750 þ.kr. tekjur sem voru umfram leyfð vikmörk
- Tekjur vegna dreifingar Orkubús Vestfjarða í dreifbýli voru vanteknar sem nemur 203.328 þ.kr. og er uppsafnaður halli -15% af útgjöldum. Ennfremur falla niður 285.932 þ.kr. tekjur sem voru umfram leyfð vikmörk
- Tekjur Norðurorku voru vanteknar sem nemur 72.532 þ.kr. og er uppsafnaður halli 138.965 þ.kr. eða -15% af útgjöldum
- Tekjur HS Veitna voru vanteknar sem nemur 260.608 þ.kr. og er uppsafnaður halli -7,7% af útgjöldum
Tekjumörk miðast nú við meðaltal útgjalda á tímabilinu 2015-2019 uppfærð með vísitölu neysluverðs og launavísitölu ásamt afskriftum og leyfðri arðsemi af fastafjármunum og veltufjármunum. Þær tvær dreifiveitur þar sem tekjur falla niður eru með skiptingu tekjumarka á milli þéttbýlis og dreifbýlis. Gjaldskrár raforkudreifingar og upphæð sem notendur greiða tekur m.a. mið af tekjumörkum, ásamt jöfnunargjaldi, flutningsgjöldum og flutningstöpum.
Sjá nánar hér: Tekjumörk 2021
Fleiri fréttir
![Verulegar fjárfestingar fyrirsjáanlegar í innviðum raforkukerfisins](/_next/image?url=https%3A%2F%2Fimages.prismic.io%2Fneasite%2FZs75tkaF0TcGJdfu_20240818_Heidmork.jpg%3Fauto%3Dformat%2Ccompress&w=1536&q=75)
28 ágúst 2024
Verulegar fjárfestingar fyrirsjáanlegar í innviðum raforkukerfisins
![Landsneti hf. veitt leyfi til fjárfestinga og uppsetningar á spólu til launaflsútjöfnunar á Rangárvöllum á Akureyri](/_next/image?url=https%3A%2F%2Fimages.prismic.io%2Fneasite%2FZsxo4EaF0TcGJZE0_web_kort_OS-2024-L010-01.jpeg%3Fauto%3Dformat%2Ccompress&w=1536&q=75)
26 ágúst 2024
Landsneti hf. veitt leyfi til fjárfestinga og uppsetningar á spólu til launaflsútjöfnunar á Rangárvöllum á Akureyri
![Orkustofnun hefur veitt Orkuveitu Reykjavíkur rannsóknarleyfi á jarðhita í Meitlum og Hverahlíð II](/_next/image?url=https%3A%2F%2Fimages.prismic.io%2Fneasite%2FZscJZUaF0TcGJPJy_Vefkort_MeitlarogHverahl%25C3%25AD%25C3%25B0.jpeg%3Fauto%3Dformat%2Ccompress&w=1536&q=75)
22 ágúst 2024
Orkustofnun hefur veitt Orkuveitu Reykjavíkur rannsóknarleyfi á jarðhita í Meitlum og Hverahlíð II