Orkustofnun hefur veitt  leyfi til rannsóknar á jarðhita á Gálmaströnd í Strandabyggð.

Rannsóknarleyfið og fylgibréf leyfisins er að finna á vef Orkustofnunar, sjá https://orkustofnun.is/licenses/OS-2024-L007-01.

Ákvarðanir Orkustofnunar er lúta að veitingu, endurskoðun eða afturköllun leitar,- rannsóknar- og nýtingarleyfa eru kæranlegar. Nánari upplýsingar um kæruleiðir er að finna í leyfinu.

Orkustofnun hefur veitt leyfi til rannsóknar á jarðhita á Gálmaströnd í Strandabyggð

Orkustofnun hefur veitt Fjarðabyggðarhöfnum leyfi til rannsóknar á lausum  jarðefnum á hafsbotni utan netlaga á tilgreindum svæðum Reyðarfirði.

Rannsóknarleyfið og fylgibréf leyfisins er að finna á vef Orkustofnunar, sjá https://orkustofnun.is/licenses/OS-2024-L006-01.

Orkustofnun hefur veitt Fjarðabyggðarhöfnum rannsóknarleyfi á Reyðarfirði

Raforkueftirlitið hefur lokið uppgjöri tekjumarka Landsnets fyrir árið 2023. Tekjumörk setja sérleyfisfyrirtækjum í flutningi og dreifingu raforku mörk varðandi leyfðar tekjur og útgjöld. Tekjumörk eru ekki sett á Íslandi fyrir hitaveitu eða aðra starfsemi sérleyfisfyrirtækja. 

Niðurstöður sýndu að tekjuheimildir Landsnets voru vanteknar um 452.008 þús.kr. fyrir almenna notendur og 1.058.308 þús.kr. fyrir stórnotendur. Við árslok 2023 voru uppsafnaðar vanteknar tekjur Landsnets 589.770 þús.kr. fyrir almenna notendur, eða -7,9% af tekjumörkum, og 1.904.976 þús.kr. fyrir stórnotendur, eða -15,0% af tekjumörkum. 

Flutningsfyrirtækið lagði fram tillögu um að lengja afskriftartíma nýjustu 220 kV háspennulínanna úr 50 árum í 60 ár, sem Raforkueftirlit Orkustofnunar samþykkti. Með þessari breytingu endurspeglast afskriftir í tekjumörkum Landsnets í reikningshaldi. Nánari sundurliðun og helstu forsendur eru aðgengilegar í töflureiknisskjali hér. 

Tekjumörk miðast nú við meðaltal útgjalda á tímabilinu 2015-2019, uppfærð með vísitölu neysluverðs og launavísitölu ásamt afskriftum og leyfðri arðsemi af fastafjármunum og veltufjármunum. Gjaldskrár raforkuflutnings, sem notendur greiða, taka annars vegar mið af tekjumörkum og hins vegar kerfisþjónustu og flutningstöpum. 

Finna má nánari upplýsingar um uppgjör flutningsfyrirtækisins hér: Tekjumörk — Orkustofnun 

Raforkueftirlitið birtir uppgjör tekjumarka Landsnets fyrir árið 2023 

Landsvirkjun, kt. 420269-1299, hefur óskað eftir virkjunarleyfi til að reisa og reka allt að 120 MW Búrfellslund, vindaflsvirkjun í Rangárþingi ytra.

Landsvirkjun, kt. 420269-1299, hefur óskað eftir virkjunarleyfi til að reisa og reka allt að 120 MW Búrfellslund, vindaflsvirkjun í Rangárþingi ytra, í samræmi við 1. mgr. 4. gr. raforkulaga, nr. 65/2003, og með vísan til 4. gr. reglugerðar um framkvæmd raforkulaga, nr. 1040/2005, með síðari breytingum. 

Þann 23. mars 2016 lagði Landsvirkjun fram matsskýrslu fyrir 200 MW Búrfellslund. Álit Skipulagsstofnunar lá fyrir þann 16. desember 2016. 

Í febrúar 2020 birti Landsvirkjun skýrslu um endurhönnun Búrfellslundar með breyttu umfangi. Samkvæmt endurhönnun er gert ráð fyrir að afl virkjunar verði 120 MW og að árleg orkuframleiðslugeta hennar verði um 440 GWh. Öll mannvirki Búrfellslundar verða staðsett innan sveitarfélagsins Rangárþing ytra. 

Búrfellslundur var flokkaður í orkunýtingarflokk rammaáætlunar um verndun og nýtingu náttúrusvæða með þingsályktun Alþingis 15. júní 2022. 

Fyrir liggur yfirlýsing Landsnets um að Landsvirkjun hafi óskað formlega eftir tengingu Búrfellslundar við flutningskerfi Landsnets í lok árs 2022 og eru samningaviðræður í gangi og stefnt að tengingu vindlundarins í fyrsta lagi árið 2025, ef allar áætlanir ganga upp.

Sveitarstjórn Rangárþings ytra samþykkti þann á fundi sínum þann 8. nóvember 2023 að auglýsa tillögu að breytingu á landnotkun í aðalskipulagi sveitarfélagsins 2016-2028 vegna áforma um uppbyggingu Búrfellslundar. Þá samþykkti sveitarstjórn á sama fundi að auglýsa tillögu að deiliskipulagi fyrir virkjunina.  

Orkustofnun hefur farið yfir gögn máls og telur að þau uppfylli viðmið raforkulaga og reglugerðar um framkvæmd raforkulaga til frekari málsmeðferðar. 

Auglýsing um umsóknina birtist í Lögbirtingarblaðinu þann 5. febrúar 2024.  

Í samræmi við 4. mgr. 34. gr. raforkulaga er þeim er málið varðar gefið færi á að kynna sér umsókn Landsvirkjunar og veita um hana umsögn. Umsagnarfrestur er til 5. mars 2024.

Frekari upplýsingar um framkvæmdina og umsókn ásamt fylgigögnum má nálgast hjá Orkustofnun, netfang os@os.is.

Umsagnir skulu sendar með tölvupósti til Orkustofnunar, Grensásvegi 9, 108 Reykjavík, netfang os@os.is. 

Menu

Umsókn um virkjunarleyfi Búrfellslundar í Rangárþingi Ytra