Sérfræðingur í vatnamálum
6 maí 2024
Orkustofnun leitar að framsæknum sérfræðingi til starfa á sviði sjálfbærrar auðlindanýtingar.
Meginábyrgðarsvið sérfræðingsins lýtur að stjórnsýslu vegna hagnýtingar grunnvatns og yfirborðsvatns á málasviði Orkustofnunar en markmið starfsins er að tryggja að hagnýting auðlinda sé í samræmi við viðmið sjálfbærrar þróunar og styðja við faglega mótun á umgjörð sjálfbærrar auðlindanýtingar á Íslandi.
Hér gefst einstakt tækifæri til að taka þátt í að styrkja stoðir samfélagsins í takt við orkustefnu Íslands, með faglega ráðgjöf og framsýni að leiðarljósi.
Helstu verkefni og ábyrgð
- Leyfisveitingar og önnur stjórnsýsla vegna nýtingar vatnsauðlindarinnar á og undir jörðu
- Þátttaka í mótun stefnu og umgjarðar auðlindanýtingar í þágu þjóðar í samvinnu við stjórnendur og aðra sérfræðinga Orkustofnunar, stjórnvöld, almenning og hagaðila
- Samvinna um skipulags- og umhverfismál og rannsóknir á sviði auðlindanýtingar
- Þátttaka í fjölbreyttum verkefnum og uppbyggingu innan sviðs sjálfbærrar auðlindanýtingar, m.a. leyfisveitingar og eftirlit
- Miðlun upplýsinga og þekkingar til sérfræðinga, stjórnvalda og almennings
Menntunar- og hæfniskröfur
- Menntun á meistarastigi á sviði jarðvísinda, umhverfisfræða, umhverfisverkfræði eða öðrum tengdum greinum sem nýtast í starfi
- Þekking og reynsla af málaflokknum úr einkageira, háskólaumhverfi eða stjórnsýslu
- Reynsla af stjórnun verkefna og þverfaglegri samvinnu
- Hæfni í að setja fram skýr markmið og áætlanir og að ljúka verkefnum
- Framúrskarandi samskipta- og samstarfshæfni
- Frumkvæði, drifkraftur, skilvirkni, jákvæðni og faglegur metnaður
- Áhugi á að vinna í og taka þátt í að móta lifandi og metnaðarfullt starfsumhverfi
- Áhugi á orku- og umhverfismálum og sjálfbærri auðlindanýtingu í víðu samhengi
- Gott vald á íslensku og ensku bæði í ræðu og riti er skilyrði
- Þekking og reynsla af opinberri stjórnsýslu er æskileg
- Þekking og reynsla á sviði stefnumótunar er kostur
- Færni í norðurlandamáli er kostur
Umsókn skal fylgja ferilskrá og stutt kynningarbréf þar sem umsækjandi gerir grein fyrir ástæðu umsóknar og hvernig umsækjandi uppfyllir hæfniskröfur.
Laun greiðast samkvæmt gildandi kjarasamningi fjármála- og efnahagsráðuneytis við viðkomandi stéttarfélag. Um er að ræða 100% starf. Starfsstöðvar eru bæði á Akureyri og í Reykjavík.
Orkustofnun hvetur alla áhugasama einstaklinga til að sækja um starfið.
Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá birtingu auglýsingar, sbr. reglur um auglýsingar lausra starfa nr. 1000/2019.
Umsóknafrestur er til og með 19. maí 2024.
Nánari upplýsingar veitir
Kristján Geirsson, sviðsstjóri, kristjan.geirsson@os.is
