Raforkueftirlit Orkustofnunar leitar eftir liðsauka
13 apríl 2023Orkustofnun auglýsir áhugaverð og krefjandi störf við raforkueftirlit sem munu gegna lykilhlutverki í mótun umgjarðar raforkumála í takt við auknar kröfur samtímans. Raforkueftirlitið er sjálfstæð eining innan Orkustofnunar sem fer með eftirlit með fyrirtækjum á raforkumarkaði í samræmi við ákvæði raforkulaga nr. 65/2003 og ber að tryggja virka samkeppni á raforkumarkaði og hagkvæma uppbyggingu flutnings- og dreifikerfa raforku.
Orkustofnun starfar í þágu samfélagsins og í takt við orkustefnu Íslands. Hlutverk hennar er að skapa skýra umgjörð um orkumál, stuðla að nýsköpun og upplýstri umræðu og að veita stjórnvöldum faglega ráðgjöf í þágu almannaheilla. Stefna Orkustofnunar er að byggja upp þekkingu á fagsviðum stofnunarinnar svo sem á sviðum orkuvinnslu, orkunýtingar og loftslagsmála, stunda skilvirka og gagnsæja stjórnsýslu, sem og sjálfstætt vandað eftirlit. Orkustofnun leggur áherslu á að vera framsýn, traust og skilvirk.
Sérfræðingur á sviði raforkurekstrar og hagræns eftirlits
Umsóknafrestur er til og með 15. maí 2023.
Nánar