Orkustofnun tekur þátt í HYBES
16 október 2023![Orkustofnun tekur þátt í HYBES](/_next/image?url=https%3A%2F%2Fimages.prismic.io%2Fneasite%2Ff9a89985-0983-4cc0-a920-49782a8bb263_HYBES_LOGO.png%3Fauto%3Dcompress%2Cformat&w=1536&q=75)
Orkustofnun tekur þátt í HYBES verkefninu ásamt Cork County Council, University College Cork - National University of Ireland and Secure and Fix It Enterprises T/A NCE Insulation frá Írlandi, Umeå borg og Umeå University frá Svíþjóð, Umhverfisstofnun Færeyja og Sveitarfélagið Bodø í Noregi.
Þeir innviðir sem nú eru til staðar munu ekki standast orkuþörf framtíðarinnar. Með meiri þrýstingi á kolefnishlutlausar borgir og bæi, þurfum við raunhæfar lausnir sem samfélög geta innleitt á skömmum tíma. Einnig þurfum við aukna vitund og þekkingu til að innleiða breytingar strax.
Þessar áskoranir eru grunnurinn í evrópska rannsóknarverkefninu „Hybrid energy solutions for buildings and infrastructure“ (HYBES í stuttu máli) sem hófst í febrúar árið 2023. Verkefninu er stýrt af Nordland Research Institute í Noregi. Því er ætla að þróa aðgerðir til að gera byggingar orkunýtnari og umhverfisvænni. Verkefnasamstarfið samanstendur af stofnunum frá Noregi, Svíþjóð, Færeyjum, Íslandi og Írlandi og er styrkt af Interreg - Norhtern Periphery and Arctic program.
Orkustofnun kemur að þremur verkþáttum innan þessa samstarfs og eru það:
- Að gera leiðarvísir fyrir almenning um leiðir til að lifa sjálfbærum lífstíl með lágt kolefnisfótspor. Vistorka á Akureyri hefur fengið það verkefni og mun vinna að leiðarvísinum út frá núverandi þjónustu og aðstæðum sem eru til staðar fyrir íbúa á Akureyri.
- Fylgt verður eftir orkusparnaðarverkefni á Grundarfirði þar sem hafa verið boraðar borholur sem styrktar voru að Orkusjóð þar sem komið verður fyrir varmadælum fyrir sundlaugina og grunnskólann á staðnum.
- Stutt verður við uppbyggingu innviða í sólarorku og batteríslausnum í Grímsey sem nú er utan samveitna og er rafmagnsframleiðsla og húshitun á eyjunni háð olíu.
Þátttakendur í verkefninu komu í heimsókn til Akureyrar í september í tengslum við verkefnið. Hópurinn fundaði í þrjá daga bæði á Akureyri og í Mývatnssveit.
Hér má sjá nokkrar myndir úr ferðinni: