https://www.nordicenergy.org/article/the-nordic-hydrogen-valleys-conference-2023/

Norræna vetnisráðstefnan, eða The Nordic Hydrogen Valleys Conference, verður haldin í Reykjavík dagana 4.-5. október. Vetni er lykilatriði í stefnumótandi framtíðarsýn orkumála Norðurlanda sem miðar að kolefnishlutleysi og því að verða sjálfbærasta landsvæði heims fyrir árið 2030. Ráðstefnunni er ætlað að tengja saman vísindamenn og hagsmunaaðila frá Norðurlöndum og er hluti af Nordic Hydrogen Valleys as Energy Hubs áætluninni sem miðar að eflingu vetnisorkuiðnaðar og draga fram möguleika vetnis til að verða kolefnislaus orkugjafi á Norðurlöndum með því að sýna lausnir í gegnum fimm verkefni sem þjóða allri virðiskeðju vetnisframleiðslu.

Norrænar orkurannsóknir bjóða öllum rannsakendum, frumkvöðlum, fjárfestum og stefnumótendum að taka þátt. 

Rétt er a benda aðilum á að tengjast nýjustu fréttum frá Nordic Energy Research (NER)  svo sem vegna nýrra útboða og fleira með áskrift að fréttabréfi  (sign up for newsletter) og með því að tengjast Linkedin

Norræna vetnisráðstefnan verður í Reykjavík

Halla Hrund Logadóttir orku­mála­stjóri skrif­ar um tæki­færi í betri nýt­ingu auð­linda okk­ar. „Nýtni er nefni­lega ekki stöðn­un held­ur hvet­ur hún til ný­sköp­un­ar og sókn­ar með það sem við höf­um á milli hand­anna hverju sinni og styð­ur við sjálf­bærni um leið.“

Ég var nýflutt að heiman þegar amma heitin kíkti í heimsókn í litlu íbúðina. Að vanda kom hún færandi hendi. Í þetta sinn þó ekki með kleinur eða smákökur, heldur hlaðin eldhúsáhöldum til gjafar. Þiggðu þetta, Halla Hrund mín, sagði hún og dreifði rösklega úr djásninu á eldhúsborðið. Mér var litið yfir misstórar ausur, handþeytara, skeiðar og steikarspaða, flest af sitt hvorri sortinni og alls ekki af nýjustu gerð. „En, amma, það má græja þetta allt í IKEA,“ hikstaði ég rúmlega tvítug um leið og ég hugsaði hvað það yrði nú fallegt að hafa þetta allt í stíl. En amma var ekki af baki dottin (frekar en fyrri daginn). „Ég hef tekið frá og safnað fyrir þig það sem ég á tvennt af. Þá þarftu ekki að eyða í vitleysu og getur nýtt peninginn í eitthvað viturlegra.“ 

Þessi orð mælti konan sem hafði um árabil nýtt hverja auðlind sveitabæjar þeirra afa af natni og uppskorið allt frá verðlaunamjólk yfir í fyrsta flokks afurðir. Þannig byggðu þau sjálfbæran og úrræðagóðan rekstur, juku verðmæti og komu sínu fólki á legg. Samfélög hafa að undanförnu einmitt verið að reyna að innleiða hugsun ömmu aftur sem mótsvar við „henda öllu“-hagkerfinu sem á rætur að rekja til Bandaríkjanna, oft með einnota borðbúnað sem birtingarmynd. Nýtni er nefnilega ekki stöðnun heldur hvetur hún til nýsköpunar og sóknar með það sem við höfum á milli handanna hverju sinni og styður við sjálfbærni um leið. 

Hugsunin á heldur betur við í auðlindanýtingu, en þar á meginmarkmiðið alltaf að vera að fá sem mest verðmæti fyrir alla nýtingu. Þannig má skapa velmegun fyrir núverandi kynslóðir, án þess að ganga of langt á möguleika þeirra sem á eftir koma. Í samhengi loftslagsmálanna hefur Alþjóðlega orkumálastofnunin til dæmis bent á að á heimsvísu megi bæta orkunýtni, og þar draga úr orkuþörf, til að ná 40% af markmiðum Parísarsáttmálans er tengist losun frá orkuframleiðslu. Einnig er mikilvægt að horfa á nýsköpun heilt yfir í hringrásarhagkerfinu til að komast í mark.  

Áherslan á þessi mál hefur aukist töluvert á Íslandi og eigum við Íslendingar enn fjölmörg tækifæri til að nýta orkuna okkar betur, af virðingu fyrir okkar dýrmætu endurnýjanlegu orkulindum og náttúru. Dæmi um nýlegar aðgerðir á orkusviðinu eru lög sem gefa færi á að bæta nýtingu núverandi virkjana með því að stækka þær með betri tækjabúnaði án þess að fara inn á óröskuð landsvæði. Annað dæmi er snjallmælavæðing orkukerfisins þar sem tæknin getur hjálpað okkur að dreifa betur álagi á raforkukerfið sem sparar bæði kostnað við fjárfestingu í dýrum innviðunum og dregur úr raforkuþörf. Þriðja dæmið er vinna opinberra fyrirtækja við að styrkja æðar raforkukerfisins, rafmagnslínurnar sjálfar, sem eykur getu til að flytja orkuna á milli landshluta svo við nýtum orkuframleiðslu landsins hverju sinni sem best, óháð búsetu fólks og fyrirtækja. 

Greinin birtist fyrst í Heimildinni 22. september 

Nýtni var það, heillin

Með úrskurði Úrskurðarnefndar umhverfis- og auðlindamála uppkveðnum 20. september 2023 var hafnað kröfu um að felld væri úr gildi ákvörðun Orkustofnunar um veitingu nýtingarleyfis til töku grunnvatns á tilgreindu svæði við Vogavík, sveitarfélaginu Vogum. 

Í málinu var deilt um ákvörðun Orkustofnunar frá 4. maí 2023 um að samþykkja nýtingarleyfi til töku grunnvatns, allt að 426 l/sek af fersku grunnvatni og 946 l/sek af söltu grunnvatni (jarðsjó) á tilgreindu svæði við Vogavík, í Sveitarfélaginu Vogum, sem er í eigu leyfishafa, sem starfrækir þar fiskeldisstöð. 

Úrskurð nefndarinnar má nálgast á slóðinni: https://uua.is/urleits/72-2023-vogar/

Úrskurðarnefnd umhverfis- og auðlindamála hafnar kröfu um að ákvörðun Orkustofnunar verði felld úr gildi

Dagana 25. maí til 2. júní 2023 var önnur heimsókn sérfræðinga til Póllands í EEA FM-verkefninu „Uppbyggingar- og þjálfunarverkefni í jarðhita á milli Íslands og Póllands“ (KeyGeothermal). Verkefnið er unnið af Rannsóknastofnun jarðefna- og orkubúskapar Pólsku vísindaakademíunnar (MEERI PAS) og Orkustofnunar Íslands (NEA). Í sérfræðingahópnum voru aðilar frá þessum stofnunum

Sjá nánar í fréttatilkynningu verkefnisins.

Menu

Heimsóknir sérfræðinga til Póllands