Starfrænt jarðhitakort af Íslandi og gagnasafn um jarðhita

Orkustofnun hefur birt skýrsluna „Stafrænt jarðhitakort af Íslandi og gagnasafn um jarðhita“ eftir Helga Torfason, jarðfræðing. Skýrslan fjallar um náttúrulegan jarðhita á landinu og er lýsing á gagnasafni um jarðhita sem skoða má á vefsíðu stofnunarinnar, en nákvæmt stafrænt kort yfir jarðhita er tengt skýrslunni. Gagnasafnið geymir mikilvægar upplýsingar sem mun nýtast við skipulagningu og nýtingu jarðhita, og mun væntanlega bæta vinnu við ákvarðanir stjórnvalda og hitaveitna varðandi nýtingu og náttúruvernd, en fjölmörg jarðhitasvæði eru áhugaverðir staðir fyrir ferðamenn. 

Jarðhiti er greindur í tvo flokka, reiti með 500 m radíus og þyrpingar sem eru innan reitanna og lýsa jarðhita og hafa 50 m radíus. Alls eru um 2.400 þyrpingar jarðhita um land allt og hafa nú verið skráðar með ítarlegri hætti en áður. Stutt lýsing er á hverjum jarðhitastað og eru gögn þessi nú öllum aðgengileg í kortasjá Orkustofnunar. 

Gögn um reiti og þyrpingar eru skráð og er notast við einfalt númerakerfi sem einnig mætti nota til að flokka og skrá önnur gögn eins og t.d. nytjavatn.  Grundvöllur gagnasafnsins er umfangsmikil heimildarvinna og er vísað til heimilda fyrir alla staðina. Verkefnið var unnið í samstarfi við Landmælingar Íslands. 

Gerður er greinarmunur á hverum og laugum, ölkeldum og svæðum þar sem jarðhitakerfi hafa fundist með borunum en hafa ekki sjáanleg ummerki á yfirborði, þ.e. hulin jarðhitasvæði. Gagnasafnið hefur auk þess verið samtvinnað við orkuspá Orkustofnunar, sem skiptist í raforkuspá, orkuskiptaspá og jarðvarmaspá. Þannig má skilgreina mögulega aukningu í virkjun jarðhita og hagkvæmni þess að nýta hann á ýmsan hátt.

Samantekt á helstu upplýsingum má finna á kortasjá Orkustofnunar með því að haka við Jarðhiti á yfirborði í valmynd. Ítarlegt yfirlit yfir gögnin má finna í fylgiskjali með skýrslunni. 

Straumhvörf í upplýsingum um náttúrulegan jarðhita á yfirborði 

Orkustofnun hefur veitt  Rio Tinto á Íslandi hf. leyfi til nýtingar grunnvatns á tilgreindu svæði við Straumsvík í Hafnarfirði.

Orkustofnun hefur veitt  Rio Tinto á Íslandi hf. leyfi til nýtingar grunnvatns á tilgreindu svæði við Straumsvík í Hafnarfirði.

Nýtingarleyfið og fylgibréf leyfisins er að finna á vef Orkustofnunar, sjá https://orkustofnun.is/licenses/OS-2024-L016-01.

Ákvarðanir Orkustofnunar er lúta að veitingu, endurskoðun eða afturköllun leitar,- rannsóknar- og nýtingarleyfa eru kæranlegar. 

Nánari upplýsingar um kæruleiðir er að finna í leyfinu.

Orkustofnun hefur veitt Rio Tinto á Íslandi hf. leyfi til nýtingar grunnvatns

Orkustofnun hefur veitt Sunnlenskri orku rannsóknarleyfi á jarðhita í Ölfusdal, sveitarfélaginu Ölfusi og Hveragerðisbæ.

Orkustofnun hefur veitt Sunnlenskri orku rannsóknarleyfi á jarðhita í Ölfusdal, sveitarfélaginu Ölfusi og Hveragerðisbæ. Rannsóknarleyfið og fylgibréf leyfisins er að finna á vef Orkustofnunar, sjá https://orkustofnun.is/licenses/OS-2024-L017-01.

Ákvarðanir Orkustofnunar er lúta að veitingu, endurskoðun eða afturköllun leitar,- rannsóknar- og nýtingarleyfa eru kæranlegar. Nánari upplýsingar um kæruleiðir er að finna í leyfinu.

Orkustofnun hefur veitt Sunnlenskri orku rannsóknarleyfi á jarðhita í Ölfusdal

Sólarorka og vindorka hefur verið nýtt í Grímsey frá árinu 2022 til að framleiða raforku. Ætlunin er að draga úr og að lokum hætta notkun dísilolíu.  

Á meðfylgjandi mynd má sjá hvernig þessi tilraun hefur gengið til þessa. Vindorka er meiri að vetri til og sólarorka er meiri að sumri til.  

Fyrstu átta mánuði ársins 2023 voru 629 megavattstundir af raforku framleiddar í Grímsey, þar af voru um 6 með vindorku og 8 með sólarorku. Uppsett afl vindorku er 6 kW, sólarorku er 10 kW og dísil eldsneytis er 480 kW. Nýtingarhlutfall sólarorku á afli hefur verið nærri 13,5% fyrir sólarorku, 16,5% fyrir vindorku síðastliðna 12 mánuði. Í júní var nýtingarhlutfall sólarorkunnar 23%. 

Gert er ráð fyrir að nýtingarhlutfall sólarorkunnar og vindorkunnar hækki eftir því sem meiri reynsla kemst á í rekstri þeirra. Eldsneytisvélarnar geta einnig gengið fyrir lífrænni dísilolíu sem gæti lækkað kolefnisfótsporið enn frekar.  

Menu

Endurnýjanleg raforka í Grímsey