Orkustofnun hefur veitt  leyfi til rannsóknar á jarðhita á Gálmaströnd í Strandabyggð.

Rannsóknarleyfið og fylgibréf leyfisins er að finna á vef Orkustofnunar, sjá https://orkustofnun.is/licenses/OS-2024-L007-01.

Ákvarðanir Orkustofnunar er lúta að veitingu, endurskoðun eða afturköllun leitar,- rannsóknar- og nýtingarleyfa eru kæranlegar. Nánari upplýsingar um kæruleiðir er að finna í leyfinu.

Orkustofnun hefur veitt leyfi til rannsóknar á jarðhita á Gálmaströnd í Strandabyggð

Orkustofnun hefur veitt Fjarðabyggðarhöfnum leyfi til rannsóknar á lausum  jarðefnum á hafsbotni utan netlaga á tilgreindum svæðum Reyðarfirði.

Rannsóknarleyfið og fylgibréf leyfisins er að finna á vef Orkustofnunar, sjá https://orkustofnun.is/licenses/OS-2024-L006-01.

Orkustofnun hefur veitt Fjarðabyggðarhöfnum rannsóknarleyfi á Reyðarfirði

Raforkueftirlitið hefur lokið uppgjöri tekjumarka Landsnets fyrir árið 2023. Tekjumörk setja sérleyfisfyrirtækjum í flutningi og dreifingu raforku mörk varðandi leyfðar tekjur og útgjöld. Tekjumörk eru ekki sett á Íslandi fyrir hitaveitu eða aðra starfsemi sérleyfisfyrirtækja. 

Niðurstöður sýndu að tekjuheimildir Landsnets voru vanteknar um 452.008 þús.kr. fyrir almenna notendur og 1.058.308 þús.kr. fyrir stórnotendur. Við árslok 2023 voru uppsafnaðar vanteknar tekjur Landsnets 589.770 þús.kr. fyrir almenna notendur, eða -7,9% af tekjumörkum, og 1.904.976 þús.kr. fyrir stórnotendur, eða -15,0% af tekjumörkum. 

Flutningsfyrirtækið lagði fram tillögu um að lengja afskriftartíma nýjustu 220 kV háspennulínanna úr 50 árum í 60 ár, sem Raforkueftirlit Orkustofnunar samþykkti. Með þessari breytingu endurspeglast afskriftir í tekjumörkum Landsnets í reikningshaldi. Nánari sundurliðun og helstu forsendur eru aðgengilegar í töflureiknisskjali hér. 

Tekjumörk miðast nú við meðaltal útgjalda á tímabilinu 2015-2019, uppfærð með vísitölu neysluverðs og launavísitölu ásamt afskriftum og leyfðri arðsemi af fastafjármunum og veltufjármunum. Gjaldskrár raforkuflutnings, sem notendur greiða, taka annars vegar mið af tekjumörkum og hins vegar kerfisþjónustu og flutningstöpum. 

Finna má nánari upplýsingar um uppgjör flutningsfyrirtækisins hér: Tekjumörk — Orkustofnun 

Raforkueftirlitið birtir uppgjör tekjumarka Landsnets fyrir árið 2023 

Ársfundur Orkustofnunar fer fram í Háteig á Grand hótel þann 8. júní 2022 kl. 9:00 - 10:30.

Ársfundur Orkustofnunar fer fram í Háteig á Grand hótel þann 8. júní kl. 9:00 - 10:30.

Beint streymi af fundinum

Fundarstjóri verður Sigmundur Ernir Rúnarsson.

Ávarp orkumálastjóra, Höllu Hrundar Logadóttur


Ávarp umhverfis-, orku-, og loftslagsráðherra, Guðlaugs Þórs Þórðarsonar

Marta Rós Karlsdóttir og Sigurður Friðleifsson sviðsstjórar

Hanna Björg Konráðsdóttir - Raforkueftirlit

Jón Ásgeir Haukdal Þorvaldsson - Orkuspá framtíða

Kristján Geirsson - Grunnvatn - verðmætasta auðlind Íslands

Sólveig Skaftadóttir - Stafræn vegferð

Í umræðum með yfirskriftinni sjálfbær orkuframtíð munu þau Berglind Rán Ólafsdóttir frá Samorku, Auður Önnu Magnúsdóttir hjá Landvernd, Hrund Gunnsteinsdóttir hjá Festu, Þór Sigfússon hjá Sjávarklasanum og Sverrir Norland rithöfundur ræða málin. Umræðum stýrir Sigmundur Ernir Rúnarsson.