Raforkuvísar fyrir ágúst 2024 eru komnir út, í skýrslunni kemur meðal annars fram að væntar fjárfestingar í raforkukerfinu næstu fimm ár munu vara stigvaxandi og árlegar fjárfestingar ná allt að 200 milljörðum árið 2028

Raforkuvísar fyrir ágúst 2024 eru komnir út, í skýrslunni kemur meðal annars fram að væntar fjárfestingar í raforkukerfinu næstu fimm ár munu vara stigvaxandi og árlegar fjárfestingar ná allt að 200 milljörðum árið 2028. Stærstur hluti fjárfestinga í raforkukerfinu er í aukinni raforkuvinnslu en einnig eru verulegar fjárfestingar áætlaðar í flutningi og dreifingu raforku sem styðja m.a. við orkuskipti og aukna orkunýtni. 

Áætlað umfang fjárfestinga í skýrslunni byggir á upplýsingum sem Orkustofnun og Raforkueftirlitið hafa birt á undanförnum mánuðum í orkuspá og almennu talnaefni, ásamt nýrri greiningu í skýrslu raforkuvísa.  

Í nýútgefnum raforkuvísum koma einnig fram upplýsingar um þróun í raforkuvinnslu, raforkuöryggi, heildsöluverð og orkunýtni.  

Hlutfall tryggðar forgangsorku á 1. ársfj. 2025 er nú um 88% af orkuþörf og hefur farið hækkandi síðastliðna mánuði.  

Forgangsnotkun almennra notenda raforku jókst um 5,7% á 2. ársfj. og má gera ráð fyrir að hluti þeirrar aukningar séu notendur sem áður keyptu skerðanlega orku.  

Raforkunotkun stórnotenda og skerðanlegra almennra notenda raforku hefur dregist umtalsvert saman frá fyrri árum. 

Vinnsla raforku á 2. ársfj. 2024 lækkaði um 4,7% frá fyrra ári vegna lágrar stöðu lóna vatnsaflsvirkjana.  

Heildsöluverð raforku í ágúst er 7,7 krónur á kílóvattstund. Sölufyrirtæki raforku kaupa raforku á heildsölumarkaði eða framleiða raforkuna sjálf sem þau selja til heimila og almennra fyrirtækja. 

Sjá nánar á: https://orkustofnun.is/upplysingar/talnaefni/raforka. 

Verulegar fjárfestingar fyrirsjáanlegar í innviðum raforkukerfisins

Orkustofnun hefur veitt Orkuveitu Reykjavíkur rannsóknarleyfi á jarðhita í Meitlum og Hverahlíð II

Orkustofnun hefur veitt Orkuveitu Reykjavíkur rannsóknarleyfi á jarðhita í Meitlum og Hverahlíð II, sveitarfélaginu Ölfusi. 

Rannsóknarleyfið og fylgibréf leyfisins er að finna á vef Orkustofnunar, sjá https://orkustofnun.is/licenses/OS-2024-L011-01.

Ákvarðanir Orkustofnunar er lúta að veitingu, endurskoðun eða afturköllun leitar,- rannsóknar- og nýtingarleyfa eru kæranlegar. Nánari upplýsingar um kæruleiðir er að finna í leyfinu.

Orkustofnun hefur veitt  Biogenic Materials ehf. leyfi til rannsókna á aðferðum til efnistöku á kalkþörungaseti á tilgreindu svæði á hafsbotni utan netlaga í Miðfirði.

Rannsóknarleyfið og fylgibréf leyfisins er að finna á vef Orkustofnunar, sjá https://orkustofnun.is/licenses/OS-2024-L008-01.

Ákvarðanir Orkustofnunar er lúta að veitingu, endurskoðun eða afturköllun leitar,- rannsóknar- og nýtingarleyfa eru kæranlegar. Nánari upplýsingar um kæruleiðir er að finna í leyfinu.

Orkustofnun hefur veitt  Biogenic Materials ehf. leyfi til rannsókna

Raforkueftirlit Orkustofnunar hefur veitt Landsneti hf. leyfi til fjárfestinga og uppsetningar á spólu til launaflsútjöfnunar á Rangárvöllum á Akureyri

Raforkueftirlit Orkustofnunar hefur veitt Landsneti hf. leyfi til fjárfestinga og uppsetningar á spólu til launaflsútjöfnunar á Rangárvöllum á Akureyri. 

Leyfið og fylgibréf leyfisins er að finna á vef Orkustofnunar, sjá https://orkustofnun.is/licenses/OS-2024-L010-01.

Menu

Landsneti hf. veitt leyfi til fjárfestinga og uppsetningar á spólu til launaflsútjöfnunar á Rangárvöllum á Akureyri