Orkusjóður mun áfram styrkja kaup á rafbílum með sama hætti og gert var árið 2024. Upphæðir eru óbreyttar og kaupendur geta sótt um styrk á Island.is

Styrkir eru í boði fyrir ökutæki í flokki fólksbifreiða (M1) og sendibifreiða (N1) sem eru undir 10 m.kr. að kaupverðmæti:

Ný ökutæki í flokki M1 að kaupverðmæti undir 10 m.kr. eru styrkhæf að upphæð 900.000 kr.

Ný ökutæki í flokki N1 að kaupverðmæti undir 10 m.kr. eru styrkhæf að upphæð 500.000 kr.

Óbreyttir styrkir til rafbílakaupa

Umhverfis- og orkustofnun hafa tekið til starfa

Umhverfis- og orkustofnun tók til starfa um áramótin

Orkustofnun var lögð niður 31. desember 2024. Þann 1. janúar 2025 tók Umhverfis- og orkustofnun til starfa.

Það má búast við einhverri skerðingu á þjónustu fyrstu dagana á nýju ári.

Heimasíða fyrir nýju stofnunina er í vinnslu undir uos.is. Á meðan verða heimasíður Orkustofnunar og Umhverfisstofnunar aðgengilegar. 

Umhverfis- og orkustofnun tekur við starfsemi Orkustofnunar og hluta af starfsemi Umhverfisstofnunar. Stofnunin fer með stjórnsýslu loftslags-, umhverfis- og orkumála og málefni auðlindanýtingar. Þar á meðal eru verkefni í fjölbreyttum málaflokkum:

Umhverfis- og orkustofnun hefur tekið til starfa

Breytingar á gjaldskrá Landsnets 1. janúar 2025

Þann 6. nóvember síðastliðinn barst Raforkueftirlitinu tillaga frá Landsneti um breytingar á gjaldskrá nr. 54. Í tillögunni kom meðal annars fram áform Landsnets um að endurgreiða innmötunargjald fyrir tímabilið frá apríl 2022 til október 2023.

Við yfirferð tillögunnar óskaði Raforkueftirlitið eftir frekari gögnum og upplýsingum þann 28. nóvember síðastliðinn. Eftir að umbeðin gögn og rökstuðningur höfðu borist, lauk eftirlitið yfirferð sinni á útreikningum og gögnum Landsnets vegna breytinga á gjaldskrá nr. 54. Raforkueftirlitið hefur komist að þeirri niðurstöðu að ekki séu tilefni til frekari athugasemda.

Breytingarnar fela í sér hækkun á gjaldtöku vegna dreifiveitna, stórnotenda, flutningstapa og kerfisþjónustu. Auk þess mun gjaldskráin innihalda viðbótarhækkun fyrir stórnotendur sem tengist endurgreiðslu á ólögmætu innmötunargjaldi.

Ný gjaldskrá tekur gildi þann 1. janúar 2025.

Allir sem vilja kynna sér nánari upplýsingar geta fundið dreifibréf með ákvörðun Raforkueftirlitsins, athugasemdir við gjaldskrá nr. 54, rökstuðning Landsnets og minnisblað frá lögfræðiþjónustu Raforkueftirlitsins hér: Gjaldskrárbreytingar og ákvarðanir — Orkustofnun

Leiðbeiningar um reiknireglur varðandi aðskilnað blandaðra jarðvarmavirkjana

Raforkueftirlit Orkustofnunar hefur í hyggju að gefa út nýjar leiðbeiningar um reiknireglur varðandi aðskilnað blandaðra jarðvarmavirkjana


Áfram verður heimilt að nota eldri skiptireglur sem síðast voru uppfærðar2011. Í kjölfarið á athugasemdum við eldri skiptireglur hóf Orkustofnun vinnu við að búa til nýtt líkan þar sem skiptireglur eru meira í samræmi við 41. gr. raforkulaga nr. 65/2003, í samræmi við fyrri athugasemdir.


Orkustofnun birtir því drög að nýjum leiðbeiningum á vefsíðu stofnunarinnar þar sem hægt er að gera athugasemdir við til 15. desember 2022. 

Sjá má dreifibréf varðandi drögin hér