Kerfisáætlun 2023-2032
19 september 2023![Kerfisáætlun 2023-2032](/_next/image?url=https%3A%2F%2Fimages.prismic.io%2Fneasite%2F50586f5d-6c63-4d1d-b39d-2111763dbfd6_pexels-pixabay-159279.jpg%3Fauto%3Dcompress%2Cformat&w=1536&q=75)
Raforkueftirliti Orkustofnunar (ROE) barst þann 8. september 2023 kerfisáætlun Landsnets fyrir tímabilið 2023-2032 til formlegrar meðferðar. Samkvæmt 2. mgr. 9. gr. b. raforkulaga nr. 65/2003 hefur Orkustofnun það hlutverk að fara yfir og samþykkja kerfisáætlun Landsnets með hliðsjón af markmiðum um öryggi, skilvirkni, áreiðanleika afhendingar, hagkvæmni, gæði raforku og stefnu stjórnvalda um lagningu strengja.
ROE skal við yfirferð kerfisáætlunar hafa samráð við alla núverandi og væntanlega viðskiptavini flutningsfyrirtækisins sbr. 2. mgr. 8. gr. raforkulaga í opnu og gagnsæju samráðsferli.
Af þessu tilefni vill ROE bjóða viðskiptavinum Landsnets og væntanlegum viðskiptavinum fyrirtækisins að koma á framfæri umsögnum vegna kerfisáætlunar 2023-2032.
Þeir aðilar sem telja sig vera væntanlega viðskiptavini flutningsfyrirtækisins skulu rökstyðja það sérstaklega. ROE metur hvort aðili hafi sýnt fram á með fullnægjandi hætti að hann geti talist væntanlegur viðskiptavinur flutningsfyrirtækisins.
ROE hefur sent auglýsingu í Lögbirtingablaðið og er frestur til þess að koma á framfæri athugasemdum vegna kerfisáætlunar Landsnets 2023-2032 er fjórar vikur frá birtingu auglýsingar í Lögbirtingablaði sbr. 3. mgr. 4. gr. reglugerðar nr. 870/2016 um kerfisáætlun fyrir uppbyggingu flutningskerfis raforku. Eftir þann tíma mun ROE birta þær umsagnir sem eftirlitinu berast vegna málsins á heimasíðu Orkustofnunar; www.os.is. Þá verður Landsneti boðið að koma á framfæri athugasemdum vegna framkominna umsagna.
Hægt að nálgast kerfisáætlunina hér:
Kerfisáætlun 2023-2032 - Áætlun um framkvæmdaverk 2024-2026
Kerfisáætlun 2023-2032 – Langtímaáætlun
Kerfisáætlun 2023-2032 – Umhverfisskýrsla
Innsendar umsagnir við Kerfisáætlun 2023-2032
Innsendar umsagnir við verk- og matslýsingu
Kerfisáætlun 2023-2032 - Viðbrögð við umsögnum
Fleiri fréttir
![Verulegar fjárfestingar fyrirsjáanlegar í innviðum raforkukerfisins](/_next/image?url=https%3A%2F%2Fimages.prismic.io%2Fneasite%2FZs75tkaF0TcGJdfu_20240818_Heidmork.jpg%3Fauto%3Dformat%2Ccompress&w=1536&q=75)
28 ágúst 2024
Verulegar fjárfestingar fyrirsjáanlegar í innviðum raforkukerfisins
![Landsneti hf. veitt leyfi til fjárfestinga og uppsetningar á spólu til launaflsútjöfnunar á Rangárvöllum á Akureyri](/_next/image?url=https%3A%2F%2Fimages.prismic.io%2Fneasite%2FZsxo4EaF0TcGJZE0_web_kort_OS-2024-L010-01.jpeg%3Fauto%3Dformat%2Ccompress&w=1536&q=75)
26 ágúst 2024
Landsneti hf. veitt leyfi til fjárfestinga og uppsetningar á spólu til launaflsútjöfnunar á Rangárvöllum á Akureyri
![Orkustofnun hefur veitt Orkuveitu Reykjavíkur rannsóknarleyfi á jarðhita í Meitlum og Hverahlíð II](/_next/image?url=https%3A%2F%2Fimages.prismic.io%2Fneasite%2FZscJZUaF0TcGJPJy_Vefkort_MeitlarogHverahl%25C3%25AD%25C3%25B0.jpeg%3Fauto%3Dformat%2Ccompress&w=1536&q=75)
22 ágúst 2024
Orkustofnun hefur veitt Orkuveitu Reykjavíkur rannsóknarleyfi á jarðhita í Meitlum og Hverahlíð II