Skipt um raforkusala

Það kostar ekkert að skipta um raforkusala. Eina skilyrðið er að segja upp gildandi samningi með tilskyldum fyrirvara.

• Hvorki sölufyrirtækjum rafmagns né dreifiveitum er heimilt að innheimta gjald af notendum fyrir að skipta um raforkusala. 

Dæmi 

1. Hjúin Jón og Gunna búa í fjölbýlishúsi á Reyðarfirði með póstnúmer 730. Þau hafa frá upphafi keypt rafmagn af sölufyrirtæki A.  
2. Jón og Gunna ákveða að kanna það sem í boði er á raforkumarkaðinum. Þau fara á heimasíðu Orkuseturs og kanna það raforkuverð sem sölufyrirtækin auglýsa. 
3. Hjúin telja það hagkvæmast að gerast viðskiptavinir sölufyrirtækis B. Í kjölfarið hafa þau samband við sölufyrirtæki B t.d. símleiðis eða með tölvupósti og óska eftir tilboði í viðskipti um kaup á raforku. 
4. Sölufyrirtæki B sendir Jóni og Gunnu samning um kaup á raforku til staðfestingar á viðskiptunum.
5. Jón og Gunna hefja kaup á raforku frá sölufyrirtæki B.

• Leiðbeiningar um notendaskipti almennra notenda á neysluveitum hjá dreifiveitum