Útboð verkefna á sviði rannsókna á endurnýjanlegri orku í Rúmeníu – vef-kynningarfundur 17. september 2021
Útboð verkefna á sviði rannsókna á endurnýjanlegrar orku í Rúmeníu á vegum Uppbyggingarsjóðs EES, verður kynnt á veffundi 17. september kl. 8:00-9:30. Að honum loknum verða samstarfsfundir (matchmaking) í boði fyrir þá sem hafa áhuga. Innovation Norway í Rúmeníu sér um útboð verkefnanna.
Markmið orkuáætlunar Uppbyggingarsjóðs
EES í Rúmeníu er að minnka orkuframleiðslu sem byggist á jarðefnaeldsneyti og
auka afhendingaröryggi og framboð á raforku. Með áætluninni er einnig leitast
við að örva og þróa til langs tíma samstarf milli Íslands, Liechtenstein,
Noregs og Rúmeníu.
Veittur er stuðningur við verkefni með eftirfarandi áherslur:
- Endurnýjanleg orka, orkunýtni og orkuöryggi
- Endurnýjanleg orka – vatnsafl
1,5 milljónum evra verður varið til fjármögnunar verkefnisins.
Lokafrestur fyrir umsóknir er 14. október 2021.
Sjá nánari upplýsingar um kynningarfundinn og skráningu 17. sept. nk.
Nánari upplýsingar um útboðið.