Fréttir


Verkefni á sviði endurnýjanlegrar orku í Rúmeníu

8.3.2019

Skilafrestur á tilboðum í verkefni er varða jarðvarma, á sviði endurnýjanlegrar orku í Rúmeníu á vegum Uppbyggingasjóðs EEA hefur verið framlengdur frá 14. mars til 7. maí 2019. 

Á umliðnum mánuðum hafa utanríkisráðuneytið og Orkustofnun unnið að undirbúningi fyrir nýtt tímabil Uppbyggingarsjóðs EES 2014–2021 er varðar endurnýjanlega orku í samstarfi við sambærilegar stofnanir í Noregi, viðkomandi lönd í Austur- og Suður-Evrópu og Uppbyggingarsjóð EES í Brussel. 

Meginmarkmið er að draga úr losun gróðurhúsalofttegunda og auka orkuöryggi viðkomandi landa, með því að auka notkun endurnýjanlegrar orku, með sérstakri áherslu á jarðvarma og vatnsafl.

Þann 3. des. sl. var haldinn kynningarfundur um orkuáætlunina í Rúmeníu hér á landi. Þegar hefur verið opnað fyrir tilboð í verkefni á sviði endurnýjanlegrar orku innan áætlunarinnar.  Íslensk fyrirtæki hafa mikla möguleika á verkefnum á þessu sviði, ekki síst á sviði jarðvarma.  

Sjá nánar hér á vef Innovation Norway  sem er umsjónaraðili áætlunarinnar í Rúmeníu. 

Sjá hér um kynningarfund sem haldinn var á Orkustofnun 3. des. sl. um áætlunina.  

Frekari upplýsingar um áætlunina og önnur lönd innan hennar á vef Orkustofnunar.