Raforkueftirlit Orkustofnunar hefur fjallað um fyrirhugaða gjaldskrárbreytingu Landsnets

11.12.2020

Í 1. mgr. 12. gr. a. í raforkulögum kemur fram að gjaldskrá flutningsfyrirtækisins skuli sett í samræmi við tekjumörk. Hún gildir þá annars vegar fyrir úttekt dreifiveitna og hins vegar fyrir úttekt stórnotenda.

Til þess að raforkueftirlit Orkustofnunar geti lagt mat á það hvort framlögð gjaldskrá sé í samræmi við tekjumörk er nauðsynlegt að meta hvaða áhrif fyrirhugaðar breytingar á gjaldskrá geti haft á niðurstöðu uppgjörs tekjumarka sbr. 7. mgr. 12. gr. raforkulaga.  Þ.e. hvort fyrirhugaðar breytingar leiði til þess að við uppgjör tekjumarka fari uppsafnaðar ofteknar tekjur yfir 10%.

Raforkueftirlit Orkustofnunar hefur nú farið yfir þau gögn og forsendur sem Landsnet hefur sett fram og við yfirferð þeirra hefur ekki komið í ljós að þessi breyting leiði til þess að uppgjör tekjumarka ársins 2021 brjóti í bága við 7. mgr. 12. gr. raforkulaga.

Að teknu tilliti til þess sem fram hefur komið gerir eftirlitið ekki athugasemdir við fyrirhugaðar breytingar á gjaldskrá er varða stórnotendur og dreifiveitur.

Einnig hefur eftirlitið farið yfir gögn frá Landsneti er varðar breytingar á gjaldskrá vegna kerfisþjónustu og flutningstapa og gerir ekki athugasemdir við þær breytingar

Sjá erindi raforkueftirlits Orkustofnunar til Landsnets um málið,  dags. 10. desember 2020 .

Frekar upplýsingar um setningu og uppgjör tekjumarka má nálgast hér .