Bræðslubor Vatnamælinga á Vísindavöku
Bræðslubor Vatnamælinga verður til sýnis auk búnaðar, sem notaður var til sýnatöku og mælinga í lónunum undir Vestari- og Eystri Skaftárkatli.
Sameiginlegt rannsóknaverkefni Orkustofnunar, Veðurstofu Íslands, Jarðvísindastofnunar Háskóla Íslands og MATÍS í kötlunum verður kynnt á veggspjöldum.
Einnig verða sýndar á stórum tölvuskjá myndir úr velheppnuðum leiðangri til eystri ketilsins í júní 2007. Þá var í fyrsta sinn borað í gegnum 300 m þykka íshelluna í katlinum, safnað sýnum til jarðefna- og örverufræðilegra greininga úr 100 m djúpu lóni undir íshellunni og settir niður nemar sem skráðu hita og vatnsborð í lóninu á liðnu sumri.
Fjórir starfsmenn Vatnamælinga Orkustofnunar, þeir Þorsteinn Þorsteinsson (verkefnisstjóri), Vilhjálmur Kjartansson, Bergur Einarsson og Gunnar Sigurðsson hafa unnið að þessu verkefni 2006-2007.
Bræðsluborun í Eystri-Skaftárkatli
Gengið frá mastri með skráningartækjum
Sýnataki undirbúinn