Opinn fundur um orkustefnu fyrir Ísland
Haldinn í Öskju, náttúrufræðahúsi Háskóla Íslands, fimmtudaginn 25. febrúar kl. 14:00-16:00
Iðnaðarráðherra hefur skipað stýrihóp sem skal móta heildstæða orkustefnu fyrir Ísland.
Hópurinn er kominn vel af stað í sinni vinnu en telur nauðsynlegt að leita eftir samráði við stjórnmálaflokka, hagsmunaaðila og almenning, áður en lengra verður haldið.
Til að ná fram slíku samráði verður haldinn opinn kynningarfundur í Öskju, náttúrufræðahúsi Háskóla Íslands, þann 25. febrúar nk., kl. 14:00-16:00.
Dagskrá:
14:00-14:10 Ávarp iðnaðarráðherra, Katrínar Júlíusdóttur
14:10-14:30 Vilhjálmur Þorsteinsson form. stýrihóps um orkustefnu kynnir störf hópsins
14:30-15:20 Ávörp frá fulltrúum þingflokka um áherslur í orkumálum
- Gunnar Bragi Sveinsson, alþingismaður, Framsóknarflokki,
- Ólöf Nordal, alþingismaður, Sjálfstæðisflokki,
- Skúli Helgason, alþingismaður, Samfylkingu,
- Svandís Svavarsdóttir, umhverfisráðherra, VG,
- Þór Saari, alþingismaður, Hreyfingunni
15:20-16:00 Umræður og fyrirspurnir
Fundarstjóri: Þóra Kristín Ásgeirsdóttir
Allir velkomnir meðan húsrúm leyfir.