Orkustofnun dregur til baka þrjá virkjunarkosti
Í kjölfar ábendingar frá Hjörleifi
Finnssyni þjóðgarðsverði Vatnajökulsþjóðgarðs í hádegisfréttum á samtengdum
rásum ríkisútvarpsins þann 22. janúar síðast liðinn, hefur Orkustofnun ákveðið
að draga til baka þrjá virkjunarkosti sem lagðir hafa verið fyrir
verkefnisstjórn þriðja áfanga rammaáætlunar. Ábending Hjörleifs varðaði
aðrennslisskurð Arnardalsvirkjunar sem fer inn fyrir mörk þjóðgarðsins.
Virkjunarkostirnir sem dregnir hafa verið til baka eru Arnardalsvirkjun, Helmingsvirkjun og Vetrarveita í Hálslóni.
Ástæður þessa eru að við nánari athugun í kjölfar athugasemda Hjörleifs kom í ljós að kortagrunnurinn sem Orkustofnun byggði á frá Umhverfisstofnun innihélt ekki nýjustu upplýsingar um breytingar á mörkum Vatnajökulsþjóðgarðs. Nýr og uppfærður grunnur er væntanlegur á næstunni.