Sjálfsbjörg fær viðurkenningu frá Orkusetri
Orkusetur hefur veitt Sjálfsbjörgu viðurkenningu fyrir umhverfislega ábyrgð í vali á vinningum í jólahappdrætti sínu.
Með því að hafa rafbíl í fyrsta vinning er Sjálfsbjörg að stíga mörg jákvæð skref. Með slíkri ákvörðun er verið að stuðla að nauðsynlegum framtíðarorkuskiptum í íslenska bílaflotanum.
Einnig fá rafbílar góða kynningu sem raunhæfur kostur í íslenskum samgöngum og mögulega vinnur einhver einstaklingur rafbílinn sem ekki hafði slík kaup á stefnuskrá sinni. Vonandi verður þetta val Sjálfsbjargar öðrum happadrættisútgáfum til fyrirmyndar.