Kynningarfundir um endurnýjanlegt eldsneyti í samgöngum á landi

12.9.2013

Á fundunum mun Ágústa Loftsdóttir hjá Orkustofnun kynna hvernig eftirliti og gagnaskilum vegna upprunavottorða, sölumagns og gagna um sjálfbærniviðmið verður háttað í kjölfar þeirra lagabreytinga sem samþykktar voru fyrr á árinu. Tilgangurinn er að bæði framleiðendur og seljendur eldsneytis geti notað þá leið sem hentar varðandi gagnaskil og vottun eldsneytis, en fleiri en ein leið er í boði.

Ný lög um endurnýjanlegt eldsneyti í samgöngum á landi (nr. 40/2013) voru samþykkt fyrr á árinu. Lögin skylda lágmarksorkuhlutdeild endurnýjanlegs eldsneytis sem selt er til samgangna á landi:

v  3,5% árið 2014

v  5% árið 2015

v  Eldsneyti úr úrgangi vegur tvöfalt í markmiðinu

v  Óháð eldsneytistegund (lífdísill, metan, etanól, metanól)

v  Krafa um sjálfbæra framleiðslu endurnýjanlegs eldsneytis

Eftirlit með framkvæmd þessara laga er í höndum atvinnu- og nýsköpunarráðuneytis og Orkustofnunar, en undanfarið hefur Ágústa Loftsdóttir hjá Orkustofnun unnið að útfærslu leiðbeininga fyrir tilkynningaskylda aðila.

Fundurinn í Reykjavík verður haldinn í húsakynnum Orkustofnunar á Grensásvegi 9.

Fundurinn á Akureyri verður haldinn í húsakynnum Akureyrarseturs Orkustofnunar, að Borgum, Norðurslóð.

Allir velkomnir