Fréttir: nóvember 2015

Samkvæmt raforkulögum nr. 65/2003 hefur Orkustofnun það hlutverk að fara yfir og samþykkja kerfisáætlun flutningsfyrirtækisins með hliðsjón af markmiðum um öryggi, skilvirkni, áreiðanleika afhendingar, hagkvæmni, gæði raforku og stefnu stjórnvalda um lagningu raflína. 

Lesa meira

Líkt og Ísland býr Indónesía yfir ríkulegum sjálfbærum orkuauðlindum og eru þeir með mikil áform um virkjun bæði jarðvarma og vatnsafls á næstu árum og áratugum. Sendinefnd frá orku- og auðlindaráðuneyti Indónesíu var í heimsókn á  Íslandi 2. til 3. nóvember sl. í boði iðnaðar- og viðskiptaráðherra og fundaði hún með fulltrúum ráðuneytisins þar sem farið var sérstaklega yfir reynslu og þekkingu Íslendinga á sviði jarðvarma og hvernig auka mætti samstarf þjóðanna en mikil þörf er á þekkingu og tækni.

Lesa meira

Orkustofnun hefur unnið að gerð reglna sem eru til umsagna almennings til 20. nóvember nk. um viðbúnað og viðbrögð við jarðskjálftavá vegna losunar á vökva í jörðu.

Lesa meira

Orkustofnun hefur þann 2. nóvember sl. veitt Orku náttúrunnar, ON, nýtingarleyfi vegna jarðhita á  Hellisheiði í sveitarfélaginu Ölfusi. Með leyfinu heimilar Orkustofnun að nýta megi orku úr jarðhitageymi við Hverahlíð fyrir Hellisheiðarvirkjun, til viðbótar við núverandi svæði á Hellisheiði. Lesa meira

Orkustofnun veitir Íslenska kalkþörungafélaginu ehf. leyfi til tilraunatöku á kalkþörungaseti af hafsbotni austan Æðeyjar og út af Kaldalóni í Ísafjarðardjúpi. Með tilraunatökunni er fyrirhugað að ljúka þeim rannsóknum sem fyrirtækið hefur staðið fyrir í Önundarfirði og Ísafjarðardjúpi, að meðtöldum Jökulfjörðum, frá árinu 2011. Lesa meira