Fréttir: 2014

Orkustofnun barst í dag erindi frá rekstraraðila leyfis Nr. 2013/01, Faroe Petroleum, þar sem tilkynnt er að félagið ásamt samstarfsaðilum þeirra, Petoro Iceland og Íslenskt kolvetni, skili sérleyfi sínu aftur til Orkustofnunar sem útgefið var 4. janúar 2013

Orkusetur hefur veitt Sjálfsbjörgu viðurkenningu fyrir umhverfislega ábyrgð í vali á vinningum í jólahappdrætti sínu. 

Hluti af því svæði sem verður fyrir áveituvatni er á náttúruminjaskrá. Áveituvatnið hefur að sögn Landgræðslunnar valdið gríðarlegri gróðureyðingu í Eldhrauni sem er einstök náttúruperla.

Tillaga iðnaðar- og viðskiptaráðherra þess efnis að ríkisstjórnin beiti sér fyrir því að á fjárlögum fyrir árið 2015 verði 91,5 m.kr. bætt við niðurgreiðslur til húshitunar til að bregðast við fyrirhuguðum hækkunum á kostnaði við rafhitun húsnæðis í þéttbýli var samþykkt á fundi ríkisstjórnarinnar í síðustu viku.

Orkustofnun hefur kallað eftir stöðluðum upplýsingum frá orkufyrirtækjum um tilhögun virkjunarkosta, sem þau gerðu tillögur um til meðferðar í 3. áfanga rammaáætlunar. Fyrirtækin hafa frest til áramóta til að svara.

Jarðhitaskólinn heldur stutt námskeið um jarðhitaleit í Kenía nánar tiltekið við Bogoria vatn og Naivasha vatn. Námskeiðið byrjaði þann 2. nóvember og því lýkur með athöfn þann 23 nóvember.

Ráðstefna um auðlindir og nýtingu þeirra verður haldin á Hólum í Hjaltadal 3. -5. desember. Kristinn Einarsson ráðgjafi hjá Orkustofnun mun flytja erindi um auðlindir og ábyrgð.

Í krafti vindsins var fyrsta miðvikudagserindi vetrarins. Um fimmtíu áhugasamir gestir komu saman í hádeginu gær til að fræðast um vindmyllur sem settar hafa verið upp í Þykkvabæ.

Þrítugasti og sjötti árgangur Jarðhitaskólans útskrifaðist síðasta föstudag þann 17. október.  Athöfnin fór fram í Víðgelmi fyrirlestarsal Orkugarðs. Að þessu sinni útskrifuðust 29 nemendur frá 14 löndum.

Fyrsta miðvikudagserindi vetrarins er frá Biokraft og fjallar um tvær vindmyllur sem nýlega voru settar upp í Þykkvabæ. Snorri Sturluson frá Biokraft flytur erindið þann 22. október klukkan 12:00 í Orkugarði, Grensásvegi 9.

Orkustofnun veitti Landsneti þann 1. október síðastliðinn leyfi til að leggja 66 kV raforkuflutningsvirki milli Hellu og Hvolsvallar

Fyrsta miðvikudagserindi vetrarins er frá Biokraft og fjallar um tvær vindmyllur sem nýlega voru settar upp í Þykkvabæ. Snorri Sturluson frá Biokraft flytur erindið þann 22. október klukkan 12:00 í Orkugarði, Grensásvegi 9.

Orkustofnun veitti Selfossveitum nýtingarleyfi á jarðhita í landi Stóra Ármóts, Flóahreppi þann 9. september síðastliðinn. 

Handhafar sérleyfanna þriggja á Drekasvæðinu fylgja rannsóknaráætlun leyfanna. Leyfin hafa mislangan gildistíma en þau eiga það sameiginlegt að fyrstu árin byggja rannsóknirnar á greiningu á fyrirliggjandi gögnum og undirbúningi fyrir fyrstu mælingar á vegum leyfishafanna.

Raforkuhópur Orkuspárnefndar hefur farið yfir forsendur síðustu raforkuspár, frá 2010, út frá nýjum gögnum sem borist hafa frá því spáin kom út.

Starf sérfræðings/verkefnisstjóra við eftirlit með framkvæmdum vegna olíuleitar og -vinnslu var auglýst laust til umsóknar í júlí og hefur dr. Kristján Geirsson verið ráðinn til starfsins.

Gestafyrirlesari Jarðhitaskóla Háskóla Sameinuðu þjóðanna, Dr. Malcolm Grant,  mun flytja fyrirlestra í Víðgelmi í Orkugarði, Grensásvegi 9, dagana 25-29. ágúst klukkan 9:00-10:15.

Heildarvinnsla raforku í júní mánuði var 1.439 GWh.

Heildarvinnsla raforku í maí mánuði var 1.493 GWh.

Heildarumfang verkefna er um 6 milljarðar króna og þar af eru verkefni með þátttöku fimm íslenskra fyrirtækja að upphæð um 4 ma. kr.  Nýting jarðvarma til húshitunar í Rúmeníu mun aukast um 30%.

Að námskeiðinu Orkubóndinn 2, sem haldið verður á Hrollaugsstöðum í Suðursveit þann 14. júní, standa Orkusetur Orkustofnunar ásamt Nýsköpunarmiðstöð Íslands og tveimur frumkvöðlafyrirtækjum.

Jarðhitaverkefnið ERA-NET er fjögurra ára samstarfsverkefni innan rannsóknaráætlana EU / EES, sem hófst á árinu 2012. Verkefnið er stærsta samstarfsverkefni landa á sviði jarðhitaverkefna innan 7. Rammaáætlunar með framlag upp á rúmlega 300 milljónir króna frá áætluninni.

Opnað var fyrir umsóknir um styrki úr uppbyggingarsjóði EES til hitaveitna og vatnsaflsvirkjana í Rúmeníu fyrr á árinu. Í tilefni þess var rúmenskum fyrirtækjum boðið að koma til Íslands á vegum sjóðsins til þess að kynnast íslenskum fyrirtækjum með það að markmiði að stofna til frekara samstarfs ýmist á sviði jarðhita eða vatnsafls. Um 16 manna sendinefnd frá Rúmeníu er nú hér á landi. 

Nemendur frá ýmsum heimshornum voru boðnir velkomnir í skólann í dag þann 29. apríl.

Orkustofnun hefur reiknað út kostnaðinn fyrir heimilin í landinu ef áfram hefði verið kynnt með olíu í stað hitaveitu. Uppsafnaður núvirtur sparnaður nam 2300 milljörðum króna frá árinu 1914-2012.

Á fundinum var sérstök áhersla lögð á umfjöllun um jarðhita erlendis. Fjallað var um jarðhita í löndum allt frá Evrópu til Afríku og gestafyrirlesari frá Reykjavik Geothermal flutti erindi um jarðhitaverkefni í Eþíópíu.

Iðnaðar- og viðskiptaráðherra setti orkuáætlun á Azoreyjum í gær. Í fylgd ráðherra var um 13 manna íslensk sendinefnd til að efla tvíhliðasamstarf milli ríkjanna.

Orkustofnun veitti Landsvirkjun, þann 24.mars síðastliðinn, rannsóknarleyfi á jarðhita, grunnvatni og efnisnámum í Gjástykki í Þingeyjarsýslum vegna mögulegrar orkuvinnslu.

Opnað hefur verið fyrir umsóknir um styrki á sviði jarðhita og vatnsafls í Rúmeníu. Umsóknarfrestur er til 20. maí 2014.

Almenn notkun eykst að nýju en flutningstöp aukast um 10% milli ára

Haukur kom að undirbúningi og frumhönnun allra helstu vatnsaflsvirkjana á landinu.

Opnað verður fyrir umsóknir um styrki til hitaveituuppbyggingar í Ungverjalandi þann 10. febrúar næstkomandi. Umsóknarfrestur er til 7. apríl 2014.

Við úthlutun styrkja 2014 verður sérstök áhersla lögð á hagkvæma orkunýtingu og sparnað, innlenda orkugjafa, vistvænt eldsneyti og sparnað jarðefnaeldsneytis, öflun og miðlun þekkingar á þessum sviðum, rannsóknir, þróun og samstarf sem að þessu miðar og atvinnusköpun.

Orkustofnun veitti í dag IceAq ehf. nýtingarleyfi á allt að 2000 l/s af sjóblönduðu vatni úr borholum við fyrirhugaða fiskeldisstöð félagsins. Stöðin er staðsett á iðnaðarsvæði í landi Húsatófta, Grindavíkurbæ.

Orkumálastjóri, Guðni A. Jóhannesson hefur í dag, að viðstöddum þeim Ragnheiði Elínu Árnadóttur iðnaðar- og viðskiptaráðherra, Marit Lillealtern, fulltrúa sendiráðs Noregs og Ma Jisheng, sendiherra Alþýðulýðveldisins Kína, gefið út þriðja sérleyfið fyrir rannsóknir og vinnslu kolvetnis (olíu og gass) á Drekasvæðinu.

Leyfishafar eru fyrirtækin CNOOC Iceland, Eykon Energy og Petoro Iceland. Með þessari þriðju leyfisveitingu Orkustofnunar er úthlutun leyfa lokið samkvæmt öðru útboði sérleyfa á Drekasvæðinu en umsóknarfrestur var til 2. apríl 2012

Nú er skönnun allra rita sem hafa orðið til hjá Orkustofnun og forverum hennar lokið. Um er að ræða allar skýrslur, greinargerðir, tímaritið Orkumál frá 1959 og fleiri útgáfur allt frá árinu 1947 sem nú eru leitarhæf og aðgengileg rafræn í Gegni. Þar með er gerð möguleg mun fjölbreyttari notkun, dreifing og margvísleg miðlun efnis Orkustofnunar á vefjum og vefsjám.