Fréttir: 2013

Orkumálastjóri, Guðni A. Jóhannesson, hélt árlegt jólaerindi sitt í dag þar sem orkumál heimsins var umfjöllunarefnið. Fór hann yfir helstu niðurstöður sem fjallað var um á ráðstefnu Alþjóða Orkuráðsins (WEC) sem haldin var í Suður Kóreu í október síðastliðnum.

Aðalkeppnin í olíuleitinni á Íslandi fór fram í nóvember. Að þessu sinni voru sex lið sem tóku þátt frá Framhaldsskólanum í Austur Skaftafellsýslu og fjögur lið frá Framhaldsskólanum í Vestmannaeyjum en Orkustofnun hefur verið styrktaraðili mótsins.

Vefur Orkustofnunar var í hópi átta bestu ríkisvefja en niðurstaða úttektar um bestu opinberu vefina var kynnt á degi upplýsingatækninnar.

Utanríkisráðherra, Gunnar Bragi Sveinsson, telur opnun orkuáætlunar Þróunarsjóðs EFTA í dag marka straumhvörf í auknu samstarfi Íslands og Ungverjalands á sviði jarðhita næstu árin. Í fylgd ráðherra er um 20 manna íslensk sendinefnd til að koma á samstarfi ríkjanna.

Iðnaðar- og viðskiptaráðherra, Ragnheiður Elín Árnadóttir, telur að styrkveitingar Þróunarsjóðs EFTA í Rúmeníu verði til þess að efla samstarf við íslensk ráðgjafafyrirtæki á sviði jarðvarma og vatnsafls. Þetta kom fram í ræðu ráðherra í Búkarest í vikunni við formlega kynningu samstarfsins.

Orkustofnun hefur í dag veitt Múlavirkjun í Straumfjarðará, neðan Baulárvallavatns á Snæfellsnesi, aðvörun  fyrir brot á vatnshæðarskilyrðum í virkjunarleyfi fyrirtækisins.

Norðmenn hafa ákveðið að Petoro, olíufélag norska ríkisins, verði þátttakandi að fjórðungs hlut í þriðja sérleyfinu til leitar og vinnslu olíu á Drekasvæðinu.

Á vegum Þróunarsjóðs EFTA (EEA Grants) er nú hægt að fá ferðastyrk til Ungverjalands á opnun áætlunar á sviði endurnýjanlegrar orku þann 2. desember í Búdapest til að styrkja tvíhliða tengsl fyrirtækja og stofnana á Íslandi, í Noregi og Liechtenstein við ungversk fyrirtæki og stofnanir.

Erindi orkumálastjóra var truflað af mótmælendum frá Greenpeace þegar hann var að hefja erindi sitt um olíuleit á Drekasvæðinu á olíuráðstefnunni Arctic Oil & Gas Forum í Osló í morgun.

Iðnaðar- og viðskiptaráðherra leggur til að sektarákvæðum laga nr. 40/2013, um endurnýjanlegt eldsneyti í samgöngum, verði frestað um eitt ár.

Raforkuhópur Orkuspárnefndar hefur farið yfir forsendur síðustu raforkuspár, frá 2010, út frá nýjum gögnum sem borist hafa frá því spáin kom út.

Orkustofnun hefur í dag sent ríkisstjórn Noregs drög að leyfi kínverska ríkisolíufélagsins CNOOC International Ltd (skráðs félags á Íslandi) og Eykon Energy ehf. og óskað eftir formlegri afstöðu norska ríkisins til þátttöku í leyfinu. Norska ríkinu stendur til boða 25% þátttaka í umræddu leyfi á svæði sem er 6.227 ferkílómetrar að stærð. Norðmenn hafa 30 daga til þess að svara erindinu.

Orkustofnun stóð nýverið að söfnun kjarnasýna á Skjálfanda í leit að ummerkjum um jarðgas.

Árlegir fyrirlestrar nemenda Jarðhitaskólans um verkefni sín verða haldnir þann 30. september í Víðgelmi, fyrirlestrarsal Orkugarðs.

Utanríkisráðherra, Gunnar Bragi Sveinsson, heimsótti Orkustofnun og Jarðhitaskóla Háskóla Sameinuðu þjóðanna föstudaginn 20. september.

Í dag var haldið fjölsótt málþing á vegum LÍSU samtakanna í samstarfi við Orkustofnun. 

Á fjölsóttum kynningarfundi um vistvænt eldsneyti kom fram að bæði framleiðendur og seljendur þurfa eftir lagabreytinguna að skila viðbótargögnum til Orkustofnunar. Á fundinum var farið yfir þær leiðir sem eru í boði varðandi gagnskil, hvernig útreikningum er háttað og flokkun.

Kynningarfundirnir verða haldnir þann 17. september kl. 10:00-12:00 í húsakynnum Orkustofnunar og á Akureyri þann 18. september klukkan 14:00-16:00.

Orkustofnun óskar að ráða sérfræðing í jarðvísindum við Jarðhitaskóla Háskóla Sameinuðu þjóðanna

Orkustofnun gefur út skýrslu á ensku um niðurstöður rannsókna á setkjörnum frá Drekasvæðinu.

Hanna Birna Kristjánsdóttir innanríkisráðherra afhenti í gær styrki til verkefna á sviði orkuskipta í skipum.

Orkustofnun veitti Landsneti leyfi, þann 12. júlí síðastliðinn, til að reisa nýtt flutningsvirki á Höfn í Hornafirði.

Orkustofnun veitti Landsneti leyfi til að reisa og reka flutningsvirki í Bolungarvík þann 1. ágúst síðastliðinn. Landsnet áformar að byggja varaaflsstöð sem tengist flutningskerfinu í Bolungarvík.

Framleiðsla raforku með vindorku er nú meiri en framleiðsla raforku úr eldsneyti samkvæmt framleiðslutölum, og skreið vindurinn fram úr eldsneytinu þegar í marsmánuði.  

Veittir eru 15 styrkir að upphæð samtals 25,7 milljónir króna. Alls bárust 46 umsóknir um samtals 120,3 m.kr. og voru í þeim hópi ýmis áhugaverð og mikilsverð verkefni sem ekki var unnt að styrkja að þessu sinni.

Orkustofnun veitir HS Orku nýtingarleyfi á grunnvatni í landi Staðar í Grindavíkurbæ og jarðsjó í landi HS Orku við Vitabraut í Reykjanesbæ. 

Vísindasamfélagið, orkufyrirtæki og Orkustofnun hafa gert með sér samkomulag um að verja um 100 milljónum króna til rannsókna á samspili vatns og kviku í rótum eldfjalla. Hvernig þetta samspil er og hvernig varminn berst úr kvikunni í jarðhitakerfin er lykill að dýpri skilningi á skynsamlegri nýtingu jarðhitans.

Orkustofnun sendir þingmönnum minnisblað um virkjunarleyfi Hellisheiðarvirkjunar og sjálfbærni í framhaldi af fundi stofnunarinnar með umhverfis og samgöngunefnd og atvinnuveganefnd Alþingis.

Atvinnuvega- og nýsköpunarráðuneytið í samvinnu við Orkusetur hefur ákveðið að styrkja húseigendur sem ráðast vilja í endurbætur á einangrun húsnæðis.

Næsta miðvikudagserindi verður haldið þann 12. júní, klukkan 12:00. Björn Már Sveinbjörnsson kynnir verkefnið sem fjallar um greiningu á gangi borana í 60 vinnsluholum og 17 niðurdælingarholum á Hengilssvæðinu.

Íslensk raforkufyrirtæki geta selt upprunaábyrgðir til evrópskra fyrirtækja. Upplýsingar um upprunaábyrgðir koma fram á rafmagnsreikningum íslenskra neytenda einu sinni á ári.

Orkustofnun heldur árlegan fund um stöðu olíuleitar í norðvestur Evrópu á Akureyri 28.-29. maí.

Forstöðumaður Jarðhitaskóla Háskóla Sameinuðu þjóðanna, Orkumálastjóri og rektor Háskólans í Reykjavík skrifuðu í dag undir samning  milli Háskólans í Reykjavík um meistaranám útskrifaðra nemenda Jarðhitaskólans við Háskólann í Reykjavík.

Orkustofnun auglýsir laust til umsóknar starf sérfræðings á sviði gagnagrunna

Áfanga náð í úrvinnslu á umsókn Eykon Energy um sérleyfi á Drekasvæðinu.

The European Renewable Energy Council (EREC) gagnrýndi fyrir helgi ákvörðun Evrópuþingsins um að hafna tillögu um endurbættar losunarheimildir ETS.

Sigríður Magnúsdóttir meistaranemi í jarðeðlisfræði, flytur lokafyrirlestur um MS-verkefni sitt mánudaginn 22. apríl í stofu 132 í Öskju.

Á vefsíðunni New Europe er greint frá orkusparnarðarverkefni Orkuseturs undir yfirskriftinni “Icelandic excellence in web energy efficiency calculators”.

Ársfundur Orkustofnunar var haldinn síðasta föstudag í fundarsal Nauthóls við Nauthólsveg. Ársskýrslu stofnunarinnar var dreift á fundinum ásamt Orkutölum.

Raforkuvinnsla á landinu eykst um tvö prósent frá fyrra ári og almenn notkun um tæp tvö prósent. Notkun stóriðju vex nokkuð og á það við um öll nema eitt stóriðjufyrirtækjanna en þar kemur líka inn að hjá einu fyrirtækjanna var ekki full nýting árið 2011 vegna rekstraróhapps.

Föstudaginn 12. apríl, kl. 14:00-17:00 í fundarsal Nauthóls við Nauthólsveg. Olíuleitin verður í brennidepli á fundinum í ár enda mikill undirbúningur vegna útboðs og leyfisveitinga á Drekasvæðinu átt sér stað á árinu 2012. Gestafyrirlesarar koma frá norsku olíueftirlitsstofnuninni og munu þeir fjalla um öryggismál við olíurannsóknir og -vinnslu.

Orkustofnun hefur veitt Stolt Sea Farm Holdings Iceland nýtingarleyfi á jarðsjó úr borholum sem staðsettar eru við fyrirhugaða fiskeldisstöð félagsins í landi HS Orku hf.

Forstöðumaður Jarðhitaskóla Háskóla Sameinuðu þjóðanna, Dr. Ingvar Birgir Friðleifsson, var heiðraður á jarðhitaráðstefnu í Hörpu þann 7. mars síðastliðinn

Orkustofnun auglýsir laust til umsóknar starf sérfræðings/verkefnisstjóra við eftirlit með olíuleit og -vinnslu.

Fyrsti doktorsnemninn sem Jarðhitaskólinn styrkir mun verja doktorsritgerð sína í dag klukkan 14:00 í Hátíðasal Háskóla Íslands. Doktorsvörnin er öllum opin.

Við úthlutun styrkja verður meðal annars sérstök áhersla lögð á hagkvæma orkunýtingu og orkusparnað, innlenda orkugjafa, vistvænt eldsneyti og sparnað jarðefnaeldsneytis. Umsóknarfrestur er til 20.mars 2013.

Um 100 manns sóttu ráðstefnuna sem fjallaði um framtíð norrænna orkukerfa og var haldin í tilefni af útgáfu skýrslu alþjóðlegu orkustofnunarinnar (IEA). 

Gagnaþekja með upplýsingum um leyfissvæði sérleyfa til rannsókna og vinnslu á kolvetni á Drekasvæðinu hefur verið birt í Landgrunnsvefsjá Orkustofnunar. Í vefsjánni er nú hægt að fá yfirsýn yfir þau svæði sem leyfin ná til og staðsetningu helstu rannsóknargagna.

Þann 1. febrúar sl. veitti Orkustofnun Íslenskri vatnsorku ehf. rannsóknarleyfi vegna áætlana um Búðartunguvirkjun í Hvítá í Árnessýslu. Stefnt er að því að rannsaka hagkvæmni Búðartunguvirkjunar, vega og meta mismunandi útfærslu og meta umhverfisáhrif virkjunar sbr. meðfylgjandi rannsóknarleyfi og ásamt fylgigögnum.

Orkustofnun gefur út skýrsluna: Vinnslusvæði hitaveitna: Tíðni forða- og efnaeftirlits. Í skýrslunni er fjallað um vinnsluholur 53 hitaveitna sem standa undir yfir 80% af frumorkuvinnslu á lághita­svæðum landsins með 173 vinnsluholum og 9 hverum.

Byggðastofnun hefur fengið Orkustofnun til að reikna út kostnað við raforkunotkun og húsahitun á sömu fasteigninni á nokkrum þéttbýlisstöðum á landinu á ársgrundvelli.

Orkustofnun og Norrænar orkurannsóknir halda ráðstefnu í tengslum við útgáfu skýrslu alþjóðlegu orkustofnunarinnar (IEA) um framtíð norrænna orkukerfa þann 12. febrúar frá klukkan 9:00-12:00 í fyrirlestarsal Orkustofnunar.

Halldór G. Svavarsson mun fjalla um nýtingu útblástursgass frá Orkuveri HS Orku hf. í Svartsengi til þörungaræktunar næstkomandi miðvikudag þann 6. febrúar klukkan 12:00.

Orkustofnun auglýsir lausa til umsóknar stöðu forstöðumanns Jarðhitaskóla Háskóla Sameinuðu þjóðanna. Hæfnisnefnd mun meta hæfni umsækjenda.

Orkustofnun veitir Íslenskri Matorku nýtingarleyfi á jarðhita í Baðsheiði, Rangárþingi ytra. Leyfið er veitt á grundvelli laga um rannsóknir og nýtingu á auðlindum í jörðu og felur í sér nýtingu á jarðhita á ársgrundvelli 9,5 x 10⁸ l eða 30 l/s að jafnaði með afltoppum upp á allt að 50 l/s af 52°C heitu vatni til þarfa hitaveitu og fiskeldis úr borholum í Baðsheiði.

Orkustofnun og Norrænar orkurannsóknir halda ráðstefnu í tengslum við útgáfu skýrslu alþjóðlegu orkustofnunarinnar (IEA) um framtíð norrænna orkukerfa.

Orkustofnun hefur í dag, að viðstöddum olíumálaráðherra Noregs, Ola Borten Moe og Steingrími J. Sigfússyni atvinnuvega- og nýsköpunarráðherra, gefið út tvö sérleyfi fyrir rannsóknir og vinnslu kolvetnis (olíu og gass) á Drekasvæðinu.

Orkustofnun gefur út tvö sérleyfi fyrir rannsóknir og vinnslu kolvetnis á Drekasvæðinu næsta föstudag. Um er að ræða leyfisveitingar, til annars vegar Faroe Petroleum Norge AS, útibús á Íslandi, og Íslensks Kolvetnis ehf. og hins vegar Valiant Petroleum ehf. og Kolvetnis ehf.