Fréttir

Orkustofnun hefur lokað eldri Gagnavefsjá á vefsíðu stofnunarinnar en stofnunin hefur unnið að uppbyggingu Orkuvefsjár og Landgrunnsvefsjár frá árinu 2009.

Við styrkveitingar Orkusjóðs á undanförnum árum, hefur sérstök áhersla verið lögð á verkefni sem beinast að framleiðslu á vistvænu innlendu eldsneyti. Nokkur þessara verkefna hafa verið unnin af aðilum við Eyjafjörð.

Orkumál - RAFORKA voru gefin út í dag. Ritið byggir á tölulegum upplýsingum frá árinu 2010 en þar er meðal annars fjallað um raforkuvinnslu og þróun hennar, raforkunotkun, verðlag á rafmagni, gæði raforku og afhendingaröryggi, dreifiveitur, flutningskerfi og síðast en ekki síst vindmyllur.

Iðnaðarráðuneytið í samvinnu við Orkusetur hefur ákveðið að styrkja húseigendur sem ráðast vilja í endurbætur á einangrun húsnæðis í þeim tilgangi að draga úr orkunotkun og þar með kostnaði við upphitun þess

Orkustofnun veitti, þann 2. desember 2011, Hitaveitu Bæjarhrepps leyfi til nýtingar á heitu vatni í Laugamýri í landi Borðeyrarbæjar.

Fyrirlesturinn verður haldinn í Orkugarði, Grensásvegi 9, fimmtudaginn 8. desember kl. 8:30-10:00

Orkustofnun tekur reglulega saman verð á heitu vatni frá hitaveitum með reglugerð og birtir hér á vef Orkustofnunar.

Orkustofnun veitti, þann 20. október 2011, RARIK ohf., leyfi til nýtingar á jarðhita í landi Fjallabyggðar í Skarðdal í Siglufirði.

Orkustofnun veitti, þann 8. nóvember 2011, SSB ehf. rannsóknarleyfi á vatnasviði Svartár í Bárðardal í samræmi við III. kafla laga, um rannsóknir og nýtingu á auðlindum í jörðu, nr. 57/1998.

Mikið tjón átti sér stað hjá Haraldi bónda í Belgsholti þegar túrbína vindmyllunnar brotnaði.

Ráðstefnan var haldin í London þann 17. nóvember síðastliðinn. Íslenskir og breskir sérfræðingar fluttu erindi á ráðstefnunni.

Norska Olíustofnunin og Háskólinn í Bergen hafa tekið jarðfræðisýni úr bröttum hlíðum á Jan Mayen hrygg. Greiningar á sýnunum benda til þess að gömul setlög sé að finna á svæðinu en elsta sýnið er 260 milljón ára gamalt. 

Orkustofnun hefur bætt við undirvef um orkutölur þar sem hægt er að finna ýmislegt talnaefni,  til að mynda um frumorkunotkun, raforkuvinnslu, jarðhitanotkun og gaslosun.

Össur Skarphéðinsson, Guðni A. Jóhannesson, orkumálastjóri og Dr. Konrad Osterwalder, rektor Háskóla Sameinuðu þjóðanna, skrifuðu í gær undir framlengingu á samningi um Jarðhitaskóla HSÞ til ársins 2014.

Stýrihópur um orkustefnu afhenti iðnaðarráðherra í dag tillögur um orkustefnu fyrir Ísland. Kjarninn í stefnunni er „Að orkubúskap Íslands verði hagað með sjálfbærum hætti, samfélaginu og almenningi til hagsbóta“. Er hér vísað í hinar þrjár stoðir sjálfbærni, það er  verndun umhverfis, samfélagslega sátt, og hagræna sjálfbærni til lengri tíma litið.

Í dag þann, 1. nóvember, hefur Orkustofnun að beiðni iðnaðarráðherra opnað vefsíðu sem miðar að því að veita upplýsingar um smáskjálfta við Húsmúla við Hellisheiðarvirkjun. Á síðunni er hægt að finna ýmsan fróðleik um Hellisheiðarvirkjun og þar er einnig að finna svör við ýmsum spurningum er tengjast smáskjálftum og niðurdælingu.

Niðurstaða Orkustofnunar eftir úttekt er að sérfræðingar á þessu sviði geta sagt með nokkru öryggi að niðurdæling auki ekki líkur á því að stærri jarðskjálftar en þeir sem verða án niðurdælingar geti myndast á svæðinu. Hins vegar gætu staðbundnar tilfærslur á spennum haft áhrif í þá átt að flýta stærri skjálftum sem eru í aðsigi.

Orkustofnun hefur að beiðni iðnaðarráðherra hafið úttekt á smáskjálftavirkni tengdri niðurdælingu á Hengilssvæðinu ásamt sérfræðingum frá Íslenskum Orkurannsóknum, Veðurstofu Íslands og Orkuveitu Reykjavíkur.

Guðni A. Jóhannesson orkumálastjóri tók á móti Swedish Concrete Award, heiðursverðlaunum frá sænsku steinsteypusamtökunum á Grand Hotel í Stokkhólmi, fimmtudaginn 29. september

Orkustofnun veitti þann 15. september 2011 HS Orku hf. leyfi vegna stækkunar Reykjanesvirkjunar úr 100 MWe í rafmagni í 160 - 180 MWe í rafmagni samkvæmt nánari skilyrðum í leyfinu.

Staður og stund:
Háskólatorg HT-101
Þriðjudaginn 13. sept. kl. 12-13

Orkustofnun veitti í dag norska félaginu TGS-NOPEC Geophysical Company ASA leyfi til leitar að kolvetni á norðanverðu Drekasvæði.

Eins og áður hefur komið opinberlega fram var í sumar ákveðið að fresta opnun á útboði sérleyfa á Drekasvæðinu til 3. október n.k. Ástæða þessara breytinga á dagsetningum var að ekki náðist að ljúka við lagabreytingar varðandi skattlagningu kolvetnisvinnslu og leyfisveitingar á vorþingi fyrir sumarhlé Alþingis, en um nauðsynlegar lagabreytingar er að ræða til að útboðið geti hafist.

Á Orkustofnun er laus til umsóknar staða lögfræðings.

Orkustofnun tekur reglulega saman verð á heitu vatni frá hitaveitum með reglugerð og birtir hér á vef Orkustofnunar.

Orkustofnun auglýsir laust starf verkefnisstjóra kynningarmála

Svanfríður Jónasdóttir, formaður verkefnisstjórnar um rammaáætlun afhenti á miðvikudag þeim Katrínu Júlíusdóttur, iðnaðarráðherra og Svandísi Svavarsdóttur, umhverfisráðherra skýrslu um 2. áfanga rammaáætlunar um verndun og nýtingu vatnsafls og jarðvarma.

Orkumálastjóri skipar þriggja manna sérfræðinefnd til að leggja mat á hver eðlileg arðsemi flutningsfyrirtækisins og dreifiveitna sé út frá ákveðnum viðmiðum sem tilgreind eru í raforkulögum.

Orkustofnun hefur nú gefið út skýrsluna: Upplýsingatækni jarðhitagagna. Niðurstöður könnunar um upplýsingasöfnun og vistun jarðhitagagna.

Ákveðið hefur verið að opnun á útboði sérleyfa á Drekasvæðinu verði frestað til 3. október n.k. Umsóknarfrestur verður til 2. apríl 2012.

Orkustofnun veitti Orkuveitu Reykjavíkur leyfi vegna stækkunar Hellisheiðarvirkjunar úr 213  MWe í rafmagni í 303 MWe í rafmagni þann 3. júní 2011.

Í gær, mánudaginn 6. júní var haldinn í Stavanger kynningarfundur Orkustofnunar, í samvinnu við ráðuneyti fjármála og iðnaðar, vegna fyrirhugaðs útboðs á sérleyfum til rannsókna- og vinnslu kolvetnis á Drekasvæðinu. Fundinn sóttu m.a. fulltrúar helstu fyrirtækja á sviði olíuleitar á Norður-Atlantshafi.

Orkustofnun hefur veitt Belgsholti ehf. leyfi til að reisa og reka allt að 30 kW vindrafstöð í Belgsholti þann 3. júní 2011. Með leyfisveitingunni er brotið blað í sögu raforkumála hér á landi þar sem um er að ræða fyrstu leyfisveitingu á grundvelli raforkulaga vegna vindorku.

Stjórn Landverndar hefur birt opinberlega yfirlýsingu sína þar sem fram kemur að stjórnin harmar þá ákvörðun Orkustofnunar að veita leyfi til rannsókna á jarðhita í Grændal í Ölfussi.

Dagskrá fyrir kynningu á útboði sérleyfa til rannsóknar og vinnslu á kolvetnum á Drekasvæðinu hefur verið sett inn á enska vef Orkustofnunar.

Orkustofnun hefur birt örnefni á hafsvæðum og hafsbotni umhverfis Ísland, ásamt nýjum örnefnum á Drekasvæðinu og við Ægisdjúp í Landgrunnsvefsjá. Örnefnin byggja á skýrslum eftir Hauk Jóhannesson sem unnar voru á ÍSOR fyrir Orkustofnun. Annars vegar er um að ræða þekju þar sem örnefnin eru sýnd eins og á hefðbundnu korti og hins vegar punktaþekju með nánari upplýsingum um örnefnin.

Orkustofnun veitti, þann 20. apríl 2011, sveitarfélaginu Árborg leyfi til nýtingar á allt að 60 l/s af grunnvatni við Ingólfsfjall í Ölfusi.

Orkustofnun veitti í dag, þann 10. maí 2011, Sunnlenskri orku leyfi til rannsókna á jarðhita, grunnvatni, yfirborðsvatni og efnisnámum við Grændal í Ölfusi.

Faghópur um sjálfbæra nýtingu jarðhita hefur nú skilað til verkefnisstjórnar rammáætlunar álitsgerð sinni.

Orkustofnun hefur nú gefið út skýrsluna Gaslosun jarðvarmavirkjana á Íslandi 1970-2009. Höfundar skýrslunnar eru Ívar Baldvinsson, Þóra H. Þórisdóttir og Jónas Ketilsson. Nálgast má skýrsluna í heild sinni hér á vef Orkustofnunar.

GEORG –Rannsóknaklasi í jarðhita, kynnir fjórðu málstofu af sex í málstofuröðina: FRÁ GUFU TIL GJALDEYRIS

Ársfundur Orkustofnunar verður haldinn fimmtudaginn 31. mars kl. 14:00 - 16:30 í Orkugarði, Grensásvegi 9.

Fimmtudaginn 31. mars stendur Landsvirkjun fyrir opnum fundi um áhrif loftslagsbreytinga á rennsli og nýtingu virkjana.

Ársfundur Orkustofnunar verður haldinn fimmtudaginn 31. mars kl. 14:00 - 16:30 í Orkugarði, Grensásvegi 9.

Orkuöryggi á Vestfjörðum er lakara en í öðrum landshlutum og fylgir því tilheyrandi samfélagskostnaður. Katrín Júlíusdóttir, iðnaðarráðherra skipaði ráðgjafahóp í nóvember 2009 og var hlutverk hans m.a. að kortleggja núverandi stöðu, meta áhrif raforkuöryggis á möguleika til atvinnuuppbyggingar og hagvaxtar og gera tillögur um aðgerðir til að bæta raforkuöryggið.

Umsóknareyðublöð má nálgast má nálgast rafrænt á vef Orkustofnunar en einnig á skrifstofu sjóðsins. Umsóknarfrestur er til 1. mars, 2011.

Aukin sjálfbærni í orkumálum Vestmannaeyja: Hönnun orkustefnu, tæknileg greining og hagkvæmnismat

Lið Framhaldsskólans í Austur Skaftafellssýslu lenti í öðru sæti í alþjóðlegri olíuleitarkeppni sem fram fór í London um helgina.

Jarðhitanotkun til húshitunar og annarra húsnota jókst mikið fram eftir allri síðustu öld.

Stærstur hluti notkunarinnar fer til upphitunar húsnæðis, en einnig fer nokkur hluti í not á borð við matseld, böð og þvotta.  Yfir tímabilið 1970-2008 jókst notkunin úr 5,0 PJ í 18,8 PJ.

Opið umsagnarferli hafið - kallað eftir athugasemdum og umsögnum allra sem láta sig málið varða

Umsóknareyðublöð má nálgast má nálgast rafrænt á vef Orkustofnunar en einnig á skrifstofu sjóðsins. Umsóknarfrestur er til 1. mars, 2011.

Orkustofnun veitti í gær, þann 10. janúar 2011, Landsvirkjun leyfi til rannsókna á jarðhita, grunnvatni og efnisnámum í landi Norðurþings, Þeistareykja og Reykjahlíðar í Gjástykki.

Raforkuhópur Orkuspárnefndar hefur gefið út nýja raforkuspá sem nær allt til ársins 2050.

Orkustofnun veitti í dag, þann 10. janúar 2011, Landsvirkjun leyfi til rannsókna á jarðhita, grunnvatni og efnisnámum við Hágöngur á Holtamannaafrétti.

Orkuflæði jarðhita á Íslandi hefur verið metið fyrir árið 2008 og er sett fram á flæðimynd í nýútkominni skýrslu Orkustofnunar um jarðhitanotkun til raforkuvinnslu og beinna nota til ársins 2009.  Höfundar eru Ingimar Guðni Haraldsson og Jónas Ketilsson.  Í skýrslunni er gerð grein fyrir jarðhitanotkun til raforkuvinnslu og beinna nota frá 1990 til 2009.

Í tilefni af umfjöllun Kastljóss um gjaldskrármál Landsnets boðaði iðnaðarráðuneytið orkumálastjóra, forstjóra og stjórnarformann Landsnets til fundar í morgun (gær) til að fá upplýsingar um stöðu mála varðandi samskipti Orkustofnunar og Landsnets í tengslum við uppgjör stofnunarinnar á tekjumörkum Landsnets.

Raforkuhópur Orkuspárnefndar hefur gefið út nýja raforkuspá sem nær allt til ársins 2050.

Orkustofnun hefur nú gefið út skýrsluna “Jarðhitanotkun til raforkuvinnslu og beinna nota til ársins 2009”.