Sérleyfi

Orkustofnun gaf út tvö sérleyfi fyrir rannsóknir og vinnslu kolvetnis (olíu og gass) á Drekasvæðinu þann 4. janúar 2013 og þriðja leyfið þann 22. janúar 2014. Umsóknir um leyfin bárust í öðru útboði sérleyfa á Drekasvæðinu. Petoro Iceland AS, útibú á Íslandi, var leyfishafi í öllum leyfunum fyrir hönd norska ríkisins, samkvæmt ákvörðun norska stórþingsins frá 18. desember 2012, til samræmis við samning milli Íslands og Noregs frá 1981 um landgrunnið á svæðinu milli Íslands og Jan Mayen og bókun við áðurnefndan samning frá nóvember 2008. Sérleyfi Faroe Petroleum var gefið eftir af leyfishöfum í janúar 2015. Sérleyfi Ithaca Petroleum var gefið eftir í janúar 2017.

Rannsóknaáætlanir sérleyfanna voru áfangaskiptar og á ákveðnum tímapunktum þurftu leyfishafar að taka ákvörðun um að hvort ætti að gefa leyfið eftir eða skuldbinda sig til að takast á við verkefni næsta áfanga áætlunarinnar. Öll sérleyfin þrjú voru gefin eftir að loknum fyrsta áfanga rannsóknaáætlananna.

Leyfi úr gildi


             CNOOC International Ltd (rekstraraðili) 60 %

             Eykon Energy ehf. 15 %

             Petoro Iceland AS. 25 %


  • Sérleyfi nr. 2013/02

              Ithaca Petroleum ehf. [áður Valiant Petroleum ehf.] (rekstraraðili) 56,25 %

              Kolvetni ehf. 18,75 %

              Petoro Iceland AS. 25 %


  • Sérleyfi nr. 2013/01

             Faroe Petroleum Norge AS (rekstraraðili) 67,5 %

             Íslensks Kolvetnis ehf. 7,5 %

             Petoro Iceland AS.  25 %