Sundlaugar

Á árinu 2009 voru starfræktir 163 sundstaðir á landinu með alls 196 sundlaugar.  Heildaryfirborðsflatarmál lauganna nam 37.600 m² og þar af var flatarmál jarðhitalauga 34.000 m² sem jafngildir um 90% af heildinni.  Jarðhitinn er því ríkjandi orkugjafi þegar kemur að sundlaugum, en flatarmál raforkukyntra lauga nam um 8% af heildinni og flatarmál olíu- og sorpkyntra lauga um 2%.  Af jarðhitalaugum voru 75% undir beru lofti.

Af 163 sundstöðum á landinu höfðu 21 fleiri en eina laug.  Alls voru starfræktir 134 jarðhitasundstaðir með 164 laugum.  Jarðhitasundstaðir með útilaugar voru 102, en innilaugar voru á 32 stöðum.  Jarðhitalaugar sem flokkuðust sem almenningslaugar voru 108, en 26 laugar flokkuðust sem einkalaugar.  Orkunotkun sundlauga er talin nema 1,420 TJ árið 2008.