Fréttir


Viðbrögð Landsnets við umsögnum og athugasemdum Orkustofnunar og viðskiptavina Landsnets vegna kerfisáætlunar

7.3.2016

Orkustofnun vinnur nú að því að fara yfir kerfisáætlun Landsnets fyrir tímabilið 2015-2024 en stofnunin fékk áætlunina til meðferðar í nóvember 2015. 

Samkvæmt raforkulögum hefur Orkustofnun það hlutverk að fara yfir og samþykkja kerfisáætlun Landsnets með hliðsjón af markmiðum um öryggi, skilvirkni, áreiðanleika afhendingar, hagkvæmni, gæði raforku og stefnu stjórnvalda um lagningu raflína. Við stjórnsýslulega meðferð kerfisáætlunar skal Orkustofnun hafa samráð við viðskiptavini Landsnets.

Orkustofnun bauð viðskiptavinum Landsnets að koma á framfæri skriflegum athugasemdum vegna kerfisáætlunar og bárust stofnuninni athugasemdir frá HS Orku, Landsvirkjun, Orku Náttúrunnar, Orkuveitu Reykjavíkur og RARIK. Landsneti var í kjölfarið boðið að koma á framfæri umsögn vegna fram kominna athugasemda auk þess sem Orkustofnun óskaði eftir frekari skýringum frá Landsneti á ákveðnum þáttum í kerfisáætlun fyrirtækisins.  

Landsnet hefur nú skilað Orkustofnun umsögn vegna kerfisáætlunar þar sem brugðist er við fram komnum athugasemdum. Hér má finna bréf Orkustofnunar til Landsnets frá 11. janúar sl. og umsögn Landsnets:

Bréf Orkustofnunar

Umsögn Landsnets